Bigg Boss 17 : अंकिता लोखंडे नव्हे तर 'हा' ठरला बिगबॉस १७ चा महाविजेता

  99

टॉप ३ मध्ये देखील येऊ शकली नाही अंकिता


मुंबई : टीव्ही मनोरंजन विश्वातील बिगबॉस हा फारच लोकप्रिय शो आहे. हिंदीतील बिगबॉस १७ व्या सीझनमध्ये (Bigg Boss 17) पवित्र रिश्ता फेम अभिनेत्री अंकिता लोखंडे (Ankita Lokhande) बरीच चर्चेत आली होती. अंकिता दिवंगत अभिनेता सुशांत सिंह राजपूतची (Sushant Singh Rajput) एक्स गर्लफ्रेंड असल्याने त्याच्या नातेसंबंधांविषयी अनेक गोष्टींचा खुलासा ती या शो दरम्यान करत होती. शिवाय ती उत्तम खेळतही होती. चर्चेत कसं राहावं हे तिला पक्कं माहित होतं. त्यामुळे अंकिताच्या चाहत्यांना तीच जिंकणार अशी खात्री होती. मात्र, सर्वांच्या अपेक्षांवर पाणी फिरवत अंकिता स्पर्धेच्या ग्रँड फिनालेमधून (Grand Finale) थेट बाहेर पडली. बिग बॉस १७ च्या महाविजेते पदावर मुनावर फारुकीने (Munawar Faruqui) आपले नाव कोरले. मुनावर फारुकी, अभिषेक कुमार (Abhishek Kumar) आणि मन्नार चोप्रा (mannara chopra) हे बिग बॉस-१७ या कार्यक्रमाचे टॉप-३ स्पर्धक ठरले.


बिग बॉस १७ च्या टॉप ५ मध्ये मुनावर फारुकी, अभिषेक कुमार, अरुण माशेट्टी, मन्नारा चोप्रा, अंकिता लोखंडे हे फायनलमध्ये पोहोचले होते. मात्र मन्नारा व अंकिताने निराशा केली आणि घरातल्या सर्व स्पर्धकांवर मात करत मुनावरने बाजी मारली. काल बिग बॉस-१७ या सीझनचा ग्रँड फिनाले सोहळा पार पडला. मुनावरचा काल वाढदिवसही होता. महाविजेते पद पटकावल्याने त्याचा वाढदिवस त्याच्यासाठी अत्यंत खास ठरला आहे. सलमान खानने (Salman Khan) मुनावर फारुकीला बिग बॉस-१७ या कार्यक्रमाची ट्रॉफी दिली. मुनव्वरला ५० लाख रुपये बक्षीस म्हणून मिळाले आहेत. तसेच त्याला एक कार देखील मिळाली आहे.





मुनावर फारुकी हा स्टँडअप कॉमेडियन आहे. तो विविध शहरांमध्ये जाऊन स्टँडअप कॉमेडी करतो. मुनावर त्याच्या विनोदी शैलीनं नेहमीच प्रेक्षकांची मनं जिंकत असतो. लॉक-अप या शोमुळे मुनावरला विशेष लोकप्रियता मिळाली. या कार्यक्रमाचा तो विजेता ठरला होता. ७० दिवस मुनावर हा लॉक अप कार्यक्रमामध्ये होता. हा कार्यक्रम जिंकल्यानंतर मुनावरला ट्रॉफी, २० लाख रुपयांचे रोख पारितोषिक व एक कार मिळाली. तसेच त्याला इटलीच्या सहलीवर जाण्याची संधी देखील मिळाली.

Comments
Add Comment

काँग्रेसच्या महिला खासदारानं केली तक्रार, पोलीस अलर्ट, तपास सुरू

नवी दिल्ली : दिल्लीच्या चाणक्यपुरीत मॉर्निंग वॉक करताना चोरट्याने सोनसाखळी चोरली अशी तक्रार काँग्रेसच्या

झारखंडचे माजी मुख्यमंत्री शिबू सोरेन यांचे निधन

नवी दिल्ली : झारखंडचे माजी मुख्यमंत्री शिबू सोरेन यांचे सोमवारी ४ ऑगस्ट २०२५ रोजी सकाळी प्रदीर्घ आजाराने निधन

Amarnath Yatra 2025: अमरनाथ यात्रेबद्दल सरकारचा मोठा निर्णय, एक आठवड्याआधीच यात्रा थांबवली! 'हे' आहे कारण

खराब हवामान आणि यात्रा मार्गांची बिघडलेली अवस्था जबाबदार श्रीनगर : वार्षिक अमरनाथ यात्रा आज (दिनांक ३ )

देवाला भेटण्यासाठी ५ व्या मजल्यावरून मारली उडी, महिलेची आत्महत्या

हैदराबाद: तेलंगणाची राजधानी हैदराबादमध्ये एका धक्कादायक घटनेने खळबळ उडाली आहे. हिमायतनगर येथील ४३ वर्षीय पूजा

Operation Akhal: जम्मू-काश्मीरमधील कुलगाममध्ये ३ दिवसांपासून चकमक सुरू, आतापर्यंत ३ दहशतवादी ठार; २ दहशतवाद्यांना घेराव

कुलगाम: जम्मू-काश्मीरमधील कुलगाममध्ये ३ दिवसांपासून लष्कराचे ऑपरेशन अखल सुरू आहे. याद्वारे एके-४७ रायफल, एके

लष्करी अधिकाऱ्याकडून स्पाइसजेटच्या कर्मचाऱ्यांना लाथा-बुक्क्यांनी मारहाण, श्रीनगर विमानतळावर नेमके घडले काय?

एका कर्मचाऱ्याच्या पाठीच्या कण्याला फ्रॅक्चर आणि जबड्याला गंभीर दुखापत श्रीनगर: जम्मू काश्मीरमधील श्रीनगर