Monday, July 15, 2024
Homeक्रीडायशस्वी जायसवाल, शिवम दुबेला बीसीसीआयकडून मिळणार बक्षीस, कमाईत कोट्यावधींचा होणार फायदा

यशस्वी जायसवाल, शिवम दुबेला बीसीसीआयकडून मिळणार बक्षीस, कमाईत कोट्यावधींचा होणार फायदा

मुंबई: अफगाणिस्तानविरुद्ध(india vs afganistan) खेळवल्या जात असलेल्या तीन सामन्यांच्या मालिकेतील शानदार कामगिरीनंतर यशस्वी जायसवाल(yashaswi jaiswal) आणि शिवम दुबे(shivam dubey) यांचे नशीब चमकणार आहे. बीसीसीआयने या दोन खेळाडूंना बक्षीस देण्याचा निर्णय घेतला आहे. यशस्वी जायसवाल आणि शिवम दुबे यांना या मालिकेनंतर सेंट्रल कॉन्ट्रॅक्टच्या यादीत सामील केले जाऊ शकते. गेल्या वर्षी जेव्हा बीसीसीआयकडून २६ खेळाडूंना हे सेंट्रल कॉन्ट्रॅक्ट देण्यात आले होते तेव्हा या खेळाडूंचे नाव यात नव्हते.

यशस्वी जायसवालला गेल्या वर्षी टीम इंडियाकडून पदार्पणाची संधी मिळाली होती. पदार्पणानंतर जायसवाल ४ कसोटी आणि १६ टी-२० सामने खेळला आहे. तर शिवम दुबेने गेल्या वर्षी आयपीएलमध्ये जबरदस्त कामगिरी केली होती यामुळे त्याचे संघात पुनरागमन झाले आहे. शिवम दुबे साधारण तीन वर्षे टीम इंडियातून बाहेर राहिले. दरम्यान, आता दुबेने फलंदाजीत जबरदस्त कामगिरी केली आहे. दुबेने अफगाणिस्तानविरुद्धच्या दोन टी-२० सामन्यात नाबाद अर्धशतक ठोकले.

टी-२० विश्वचषकात मिळणार संधी?

यशस्वी जायसवाल आणि शिवम दुबेने या वर्षी होणाऱ्या टी-२० विश्वचषकासाठीही दावेदारी मजबूत केली आहे. टीम मॅनेजमेंटने स्पष्ट केले की रोहित शर्मासोबत यशस्वी जायसवाल फर्स्ट चॉईस ओपनर आहे. जर जायसवालने आयपीएलमध्येही चांगली कामगिरी केली तर त्याला विश्वचषक खेळण्यापासून कोणीही रोखू शकत नाही.

तर शिवम दुबेने ऑलराऊंडर म्हणून दावेदारी सादर केली आहे. हार्दिक पांड्या दुखापतग्रस्त झाल्याने बॅकअप ऑलराऊंडरम्हणून संघाकडून शिवम दुबेपेक्षा चांगला पर्याय नाही. शिवम दुबेला संघात कायम राहण्यासाठी स्वत:ला आणखी सिद्ध करावे लागेल. गेल्यावर्षीप्रमाणेच त्याने यंदाच्या आयपीएलमध्येही चांगली कामगिरी कायम ठेवली तर हार्दिक पांड्याला ते भारी पडू शकते.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -