Monday, July 22, 2024
Homeदेशपंतप्रधान मोदींबाबत अपमानजनक विधान करणे पडले भारी, मालदीव सरकारकडून ३ मंत्री निलंबित

पंतप्रधान मोदींबाबत अपमानजनक विधान करणे पडले भारी, मालदीव सरकारकडून ३ मंत्री निलंबित

नवी दिल्ली: पंतप्रधान नरेंद्र मोदींच्या लक्षद्वीप यात्रेची खिल्ली उडवण्यावरून झालेल्या वादाप्रकरणी मालदीव सरकारने मोठी कारवाई केली आहे. मालदीव सरकारने पंतप्रधान मोदी आणि भारताबाबत अपमानजनक विधान करणारे मंत्री मरियम शिऊना, मालशा आणि हसन जिहान यांना निलंबित केले आहे. राष्ट्रपती मोहम्मद मुईज्जे यांनी त्यांचे हे विधान खाजगी असल्याचे म्हटले होते.

भारताने मालदीव सरकारसोबत अधिकृतरित्या हे प्रकरण उचलून धरले होते. याप्रकरणी मालदीव सरकारने कडक पावले उचलत उप मंत्री(युवा अधिकारिता, सूचना आणि कला मंत्रालय) मरियम शिऊना, उप मंत्री(परिवहन आणि नागरी उड्डाण मंत्रालय) हसन जिहान आणि उप मंत्री(युवा अधिकारिता सूचना आणि कला मंत्रालय) मालशा यांनी निलंबित केले आहे.

मालदीवमध्ये मोहम्मद मुईज्जू याचे नवे सरकार आल्यानंतर भारतासोबतच्या संबंधांमध्ये बिघाड होत आहे. यातच पंतप्रधान नरेंद्र मोदींच्या लक्षद्वीप यात्रेबाबत शेअर केलेल्या फोटोवरून या मंत्र्यांनी वादग्रस्त विधाने केली होती.

पंतप्रधान नरेंद्र मोदींनी सोशल मीडिया प्लॅटफॉर्मवर आपल्या लक्षद्वीप दौऱ्याचे फोटो पोस्ट केले होते. तसेच भारतीयांना या आयलँडवर फिरण्याचे आवाहनही केले होते. मालदीवच्या युवा सशक्तीकरण उपमंत्री मरियन शिऊनाने पंतप्रधान मोदींबाबत अपमाजनक विधान केले होते. भारताच्या इंटरनेट युजर्सकडून विरोध झाल्यानंतर शिऊनाने ती पोस्ट डिलीट केली होती. मात्र सोशल मीडियावर त्यांच्यावर जोरदार टीका झाली होती.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -