Shivrayancha Chhava : 'शिवरायांचा छावा'चा थरारक लूक!

छत्रपती संभाजी महाराजांच्या आयुष्यावरील पहिला भव्यदिव्य चित्रपट


मुंबई : छत्रपती शिवाजी महाराजांचं (Chhatrapati Shivaji Maharaj) प्रत्येक मराठी जनांच्या हृदयात उच्च स्थान आहे. महाराजांचा इतिहास पुन्हा पुन्हा वाचावा आणि त्यातून शिकवण घ्यावी असाच आहे. याच शिवाजी महाराजांचा इतिहास शिवराज अष्टकातून (Shivraj Ashtak) समोर आणण्याचं शिवधनुष्य दिग्दर्शक दिग्पाल लांजेकर (Digpal Lanjekar) याने पेललं. दिग्पाल शिवरायांच्या आयुष्यावरील आठ सिनेमे प्रेक्षकांच्या भेटीला आणणार आहे. यातील प्रत्येक चित्रपटात शिवरायांच्या आयुष्यातील महत्त्वाची घटना असणार आहे.


आतापर्यंत शिवराज अष्टकातील पाच सिनेमे प्रेक्षकांच्या भेटीला आले आणि ते पाचही सिनेमे प्रचंड गाजले. फर्जंद, फत्तेशिकस्त, पावनखिंड, शेर शिवराज आणि सुभेदार अशा पाचही चित्रपटांना प्रेक्षकांनी भरभरुन प्रतिसाद दिला. आता दिग्पालचा सहावा सिनेमा प्रेक्षकांच्या भेटीला येणार आहे तो म्हणजे 'शिवरायांचा छावा' (Shivrayancha Chhava). या सिनेमातून छत्रपती संभाजी महाराजाची (Chhatrapati Sambhaji Maharaj) कथा उलगडणार आहे.


'शिवरायांचा छावा' सिनेमाचं थरारक पोस्टर आज आऊट करण्यात आलं. यामध्ये संभाजी महाराजांची भूमिका साकारणारा कलाकार पाठमोरा उभा दिसत आहे आणि त्याच्यासमोर वाघ जबडा पसरुन उभा आहे. त्यामुळे संभाजी महाराजांची भूमिका नेमकी कोण साकारणार आहे, याबद्दल प्रेक्षकांना विशेष उत्सुकता आहे. सिनेमाच्या पहिल्या पोस्टरला प्रेक्षकांची पसंती मिळत आहे.


ए. ए. फिल्म्स आणि एव्हरेस्ट एंटरटटेंमेंट प्रस्तुत 'शिवरायांचा छावा'ची निर्मिती मल्हार पिक्चर्स कं.चे वैभव भोर, किशोर पाटकर, मधू यांनी केली आहे. संभाजी महाराजांच्या धगधगत्या अजेय पराक्रमाची कथा दिग्पाल लांजेकरांनी लिहिली असून पटकथा-संवाद आणि गाणी देखील त्यांचीच आहेत. गाण्यांना साजेसं संगीत युवा संगीतकार देवदत्त मनीषा बाजी यांनी दिलं आहे. पार्श्वसंगीत अमर मोहिले यांचे आहे. चित्रपटाच्या छायांकनाची जबाबदारी प्रियांका मयेकर यांनी सांभाळली आहे तर संकलन सागर शिंदे यांचे आहे. चित्रपटाच्या वितरणाची जबाबदारी ए. ए . फिल्म्स सांभाळत आहे.





याआधी संभाजी महाराजांच्या जीवनावरील 'स्वराज्यरक्षक संभाजी' ही मालिका प्रेक्षकांच्या भेटीला आली होती. मात्र, चित्रपटाच्या रुपात संभाजी महाराजांची कथा पहिल्यांदाच मांडली जाणार आहे. नववर्षात म्हणजेच १६ फेब्रुवारी २०२४ ला हा सिनेमा प्रेक्षकांच्या भेटीस येणार आहे.

Comments
Add Comment

Tere Ishk Mein Movie : धनुषने मोडला स्वतःचा रेकॉर्ड! 'तेरे इश्क में'ची जबरदस्त ओपनिंग; २०२५ मधील सर्वात मोठ्या हिट चित्रपटांच्या यादीत एन्ट्री

२०२५ हे वर्ष चित्रपटसृष्टीसाठी अत्यंत यशस्वी ठरले आहे. या वर्षात अनेक उत्कृष्ट चित्रपट प्रदर्शित झाले असून,

‘द फोल्क आख्यान’च्या संगीतकाराचे पहिल्यांदाच मराठी चित्रपटाला संगीत !

शाळेच्या आठवणींना पुन्हा उजाळा देणाऱ्या ‘क्रांतिज्योती विद्यालय - मराठी माध्यम’ या चित्रपटाचा टीझर नुकताच

लवकरच येतोय ‘मिस यू मिस्टर’

मंत्रा व्हिजनच्या सहकार्याने थर्ड आय क्रिएटिव्ह फिल्म्स प्रस्तुत ‘मिस यू मिस्टर’ हा चित्रपट प्रेक्षकांच्या

हृषिकेश जोशी यांचा ‘बोलविता धनी’ आहे तरी कोण?

आपल्या अभिनयाने प्रेक्षकांची मनं जिंकून घेतलेले आणि लेखक-दिग्दर्शक म्हणूनही आपली वेगळी ओळख निर्माण केलेले

'आय पॉपस्टार'च्या पहिल्यावहील्या ट्रॉफीवर महाराष्ट्राचे नाव! मराठमोळ्या रोहीत राऊतचा प्रथम क्रमांक, पत्नी जुईलीने केले कौतुक

मुंबई: अॅमेझोन एमएक्स प्लेअरवरील 'आय पॉपस्टार' या म्युझिक रिअॅलिटी शोने सहा आठवड्यांचा अविस्मरणीय प्रवास पूर्ण

‘टू मच विथ काजोल अँड ट्विंकल’ने मारली झेप; प्राइम व्हिडिओवरील टॉप अनस्क्रिप्टेड शो

मुंबई : भारताची आवडती एंटरटेनमेंट डेस्टिनेशन असलेल्या प्राइम व्हिडिओने आपल्या अनस्क्रिप्टेड ओरिजिनल