पहिल्यांदा निवडणूक लढवणाऱ्या झेडपीएमने सत्ता मिळवली, एमएनएफचा दारुण पराभव
अझिवाल : मिझोरम विधानसभा निवडणुकीत विधानसभेच्या ४० जागांपैकी २७ जागांवर पहिल्यांदा निवडणूक लढवणाऱ्या झेडपीएमनं विजय मिळवला आहे. सत्ताधारी मिझो नॅशनल फ्रंटला केवळ ७ जागांवर विजय मिळाला आहे. भाजपला दोन जागा मिळाल्या तर काँग्रेसला केवळ एक जागा मिळाली आहे.
मिझोरममध्ये विधानसभेच्या एकूण ४० जागा असून बहुमताचा आकडा २१ इतका आहे. स्थानिकांच्या मागणीनुसार मतमोजणी आज करण्यात आली होती.
झोरम पिपल मुव्हमेंटचे लालदुहोमा हे मुख्यमंत्री होणार आहेत. त्यांनी या महिन्यात मुख्यमंत्रिपदाची शपथ घेणार असल्याचं म्हटलं आहे. लालदुहोमा यांनी सेरछिप विधानसभा मतदारसंघातून त्यांनी विजय मिळवला. मिझोरमला आर्थिक संकटातून बाहेर काढण्यासाठी प्रयत्न करणार असल्याचं ते म्हणाले.