Diwali Fashion : दिवाळीत स्टायलिश दिसायचंय? मग ट्राय करा 'या' अभिनेत्रींचे काही हटके लूक्स!

  190

दिवाळी (Diwali Festival) म्हणजे तिखटगोड फराळावर ताव मारण्याचा आणि नटण्यासजण्याचा सण. वर्षभरात आपल्यासाठी अगदी मोजक्या कपड्यांची खरेदी करणारा प्रत्येक मध्यमवर्गीय दिवाळीत मात्र हमखास कपड्यांची खरेदी करतो. या दिवाळीत प्रत्येकालाच पारंपरिक (Traditional look) पण काहीतरी हटके लूक करावासा वाटत असतो. विशेषतः मुली या दिवाळीच्या सणाला साडी नेसण्यासाठी अजिबात कंटाळा करत नाहीत. यासाठीच आम्ही घेऊन आलो आहोत आपल्या आवडत्या अभिनेत्रींचे काही खास लूक्स जे मुली या दिवाळीत नक्कीच ट्राय करु शकतात.



१. आलिया भट्ट (Alia Bhatt)



आलिया आपल्या साध्या पण कमालीच्या फॅशन सेन्ससाठी नेहमीच चर्चेत असते. तिने मेट गाला (Met Gala) सोहळ्यासाठी केलेला सिंपल लूकही सर्वांना प्रचंड आवडला होता. नुकत्याच पार पडलेल्या राष्ट्रीय पुरस्कार सोहळ्यात (National Awards) आलियाने परिधान केलेल्या स्वतःच्या लग्नातील शालूमुळे ती चर्चेत आली होती. यावेळेसही आलियाच्या सोबर लूकने चाहत्यांची मनं जिंकली. यंदाच्या दिवाळीत आलियाचा हाच सोबर लूक तुम्ही ट्राय करु शकता. साध्या कॉटन अथवा फॅब्रिकच्या साडीवर आलियासारखा केसांचा फ्रेंच रोल आणि त्यावर दोन गुलाबाची फुलं तुमचं सौंदर्य अधिक खुलवतील. त्यासोबतच तुम्ही या लूकवर मोत्यांचे दागिने घालू शकता.



२. अमृता खानविलकर (Amruta Khanvilkar)



चंद्रमुखी (Chandramukhi) चित्रपटामुळे जगभरात पोहोचलेली अमृता खानविलकर मराठीतील आघाडीची अभिनेत्री आहे. अमृता नेसते त्या साड्याही मुलींच्या विशेष पसंतीस पडतात. यंदाच्या वर्षी गणेशोत्सवानिमित्त अमृताने नेसलेली पैठणीही खूप सुंदर होती. ज्या मुलींना दागिने आणि भरजरी साड्यांची आवड आहे, त्या अमृतासारखा लूक करु शकतात. पैठणी साडीला मॅचिंग नसणारा पण कॉन्ट्रास्ट (Contrast) कलरमधील ब्लाऊज यावर अधिक खुलून दिसेल. तसंच अमृताप्रमाणे एकाच रंगाच्या आणि पैठणीच्या रंगाला काही प्रमाणात मॅच होणार्‍या बांगड्या तुम्ही घालू शकता. सगळंच एकाच रंगात न घालता वेगवेगळ्या रंगांचं कॉम्बिनेशन करुन पैठणी नेसली तर ती अधिक सुंदर दिसेल.



३. साई पल्लवी (Sai Pallavi)



जास्त मेकअप न करता आपल्या नैसर्गिक सौंदर्याने चाहत्यांना भुरळ पाडणारी अभिनेत्री म्हणजे साई पल्लवी. दाक्षिणात्य चित्रपटातील (South Indian Films) या अभिनेत्रीची महाराष्ट्रातही तितकीच क्रेझ आहे. श्याम सिंह रॉय या चित्रपटाच्या ट्रेलर लाँच सोहळ्याला साई पल्लवीने केलेला लूक खास होता. यंदाच्या दिवाळीत तुम्ही साई पल्लवीसारखा अत्यंत साधा पण क्यूट लूक ट्राय करु शकता. यात एखादी सुंदर साडी व त्यावर केस मोकळे सोडून केसांत गजरा माळू शकता. कानांत छोटे किंवा मोठे झुमके आणि हातात एकच बांगडी असा हा लूक दागिन्यांची जास्त आवड नसणार्‍या मुलींना खूपच सुंदर दिसेल.



४. मिथिला पालकर (Mithila Palkar)



मिथिला पालकर ही आताच्या काळातील तरुण आणि गोड अभिनेत्री आहे. तिचे कुरळे केस तिला खूप खुलून दिसतात. तिचे साडीमधीलही साधे लूक्स चाहत्यांना प्रचंड आवडतात. पण ज्यांना साडी अजिबातच नेसायला आवडत नाही किंवा साडी नेसण्यासाठी पुरेसा वेळ नसेल त्या मुली मिथिलाच्या या लूकप्रमाणे ड्रेस किंवा लेहंगा परिधान करु शकतात. अशा पद्धतीच्या ड्रेसवर मोठे आणि भरजरी कानातले किंवा झुमके फार सुंदर दिसतात. सोबतच कपाळावर एक छोटीशी टिकली सौंदर्यात आणखी भर पाडेल.

Comments
Add Comment

महाराष्ट्रीय भाऊ'ची 'बिग बॉस'मध्ये एन्ट्री, सलमान खानने केली खास मराठमोळा 'पाहुणचार'

मुंबई : प्रसिद्ध स्टँड-अप कॉमेडियन, ज्याला 'महाराष्ट्रीय भाऊ' म्हणून ओळखले जाते, त्या प्रणित मोरेने 'बिग बॉस 19'च्या

'क्रांतिज्योती विद्यालय-मराठी माध्यम' लवकरच प्रेक्षकांच्या भेटीला, अलिबागमध्ये चित्रीकरणाला सुरुवात

अलिबाग: दिग्दर्शक हेमंत ढोमे यांचा मातृभाषेतील शिक्षणाचे महत्त्व सांगणारा नवा चित्रपट 'क्रांतिज्योती

Bigg Boss 19 मध्ये आंतरराष्ट्रीय तडका, माईक टायसन आणि द अंडरटेकरची एन्ट्री होणार?

मुंबई : टीव्हीवरील लोकप्रिय रिॲलिटी शो "बिग बॉस" चा

संत विचारांनी भारावलेली कथा ‘फकिरीयत’

‘फकिरीयत’ या आगामी हिंदी चित्रपटाचा भव्य ट्रेलर आणि संगीत प्रकाशन सोहळा नुकताच प्रभादेवी येथील रवींद्र नाट्य

‘जागरण गोंधळ’ या गाण्याला गणेश चंदनशिवे यांचा आवाज

अभिनेता ललित प्रभाकर आणि अभिनेत्री हृता दुर्गुळे ही जोडी ‘आरपार’ या सिनेमातून पहिल्यांदाच मोठ्या पडद्यावर

‘जेलर २’मध्ये रजनीकांत - मिथुन यांची जोडी पुन्हा झळकणार

साउथचा सुपरस्टार आणि चाहत्यांच्या मते ‘भगवान’ असलेले रजनीकांत सध्या त्यांच्या ‘कुली’ या चित्रपटामुळे प्रचंड