World Cup 2023 : पुण्यात काळे कपडे घालून वर्ल्डकप बघायला आलेल्या प्रेक्षकांना पोलिसांनी अडवलं

  218

पोलिसांनी घेतला मराठा आंदोलकांचा धसका; पूर्वकल्पना न दिल्याने क्रीडा प्रेमींचा हिरमोड


पुणे : एकीकडे क्रिकेट वर्ल्डकप (Cricket Worldcup) सामने सुरु असल्याने जगभरातून चाहते भारतात येत आहेत तर दुसरीकडे मराठा आंदोलन (Maratha andolan) चिघळल्याने त्याचे पडसाद राज्यभरात उमटत आहेत. याचीच झळ आता वर्ल्डकपलाही पोहोचल्याचे दिसून येत आहे. आज पुण्यातील स्टेडिअममध्ये श्रीलंका विरुद्ध अफगाणिस्तान (Shrilanka VS Afganistan) वर्ल्डकप सामना आहे. त्यासाठी अनेक प्रेक्षक काळे कपडे परिधान करुन आले होते. मात्र, मराठा आंदोलनाचं कारण देत या प्रेक्षकांना पोलिसांनी स्टेडिअममध्ये जाण्यापासून अडवलं. त्यामुळे प्रेक्षकांचा हिरमोड झाला.


राज्यात मराठा आंदोलन प्रचंड चिघळलं असून अनेक ठिकाणी जाळपोळ, तोडफोड करण्यात आली. यामुळेच सगळीकडेच खळबळ उडाली आहे. याचाच परिणाम म्हणून आज पुण्यात काळे कपडे घालून वर्ल्डकप सामना पाहायला आलेल्यांची पोलिसांकडून अडवणूक करण्यात आली. मराठा आरक्षणासाठी राज्यभर सुरू असलेल्या आंदोलनाचे पडसाद वर्ल्डकप सामन्यात उमटू नयेत, कोणी काळे कपडे दाखवून याचा निषेध करू नये, म्हणून पोलीस यंत्रणांनी ही खबरदारी घेतलेली आहे.


वर्ल्डकपमध्ये कोणतीही बाधा निर्माण होऊ नये, यासाठी काळे कपडे घालण्यास मज्जाव करण्यात येत असल्याचं पोलिसांनी प्रेक्षकांना सांगितलं आहे. मात्र, यंत्रणांनी पूर्वकल्पना न दिल्याने जगाच्या कानाकोपऱ्यातून आलेल्या क्रीडा प्रेमींचा हिरमोड झाला आहे. पुण्यात यानंतर आणखी तीन सामने होणार आहेत. मराठा आरक्षणाचा तोडगा निघाला नाही. तर त्यावेळीही प्रेक्षकांना याच परिस्थितीला सामोरे जावे लागणार आहे. दरम्यान, पोलिसांनी सांगितलेल्या नियमांचं आम्ही पालन करु मात्र त्यांनीदेखील आम्हाला सहकार्य केलं पाहिजे, असं प्रेक्षकांनी म्हटलं आहे.

Comments
Add Comment

मोठी अपडेट : आता दिवाळीनंतर फुटणार फटाके! स्थानिक स्वराज्य संस्थांच्या निवडणुकांची तारीख ठरली

मुंबई : राज्यातील स्थानिक स्वराज्य संस्थांच्या निवडणुकांबाबत अखेर मोठा निर्णय घेण्यात आला आहे. राज्य निवडणूक

पुण्यात भीषण अपघात: रक्षाबंधनाच्या आधीच बहीण-भावाची ताटातूट, तरुणाचा जागीच मृत्यू

पुणे : पुण्यामध्ये एका धक्कादायक अपघातात एका तरुणाचा जागीच मृत्यू झाला आहे, तर त्याची बहीण गंभीर जखमी झाली आहे.

राज्य मंत्रिमंडळाच्या बैठकीत सात महत्त्वाचे निर्णय मंजूर

मुंबई : राज्य सरकारच्या मंत्रिमंडळाची बैठक मुख्यमंत्री देवेंद्र फडणवीस यांच्या अध्यक्षतेखाली संपन्न झाली.

विधवा पेन्शन योजनेची रक्कम ५००० रुपये करा

खासदार रविंद्र वायकर यांनी महिला व बाल विकास मंत्री अदिती तटकरे व सचिव यांना पाठवले पत्र मुंबई : राज्यातील

वादग्रस्त विधाने करू नयेत, सर्वांनी समन्वयाने काम करावे - आमदार दीपक केसरकर

सिंधुदुर्ग - महायुतीची सध्याची राजकीय परिस्थिती चांगली असून, कार्यकर्त्यांनी कोणत्याही प्रकारची वादग्रस्त

समृद्धीवर वेगमर्यादेचे उल्लंघन, आता असणार सीसीटीव्हीची नजर

अमरावती : नागपूर ते मुंबई या समृद्धी महामार्गावर सुसाट वेगाने धावणाऱ्या वाहनांच्या वेगावर नियंत्रण