मुंबई: प्रत्येकजण आपल्या कमाईतून काही ना काही पैसे वाचवून अशा ठिकाणी गुंतवतात जेथे त्यांचे पैसे सुरक्षित राहतील. सोबतच चांगले व्याजदरही मिळेल. यामुळे छोट्या बचत योजनांना लोकांची मोठी पसंती मिळत आहे. हे काही आम्ही सांगत नाही आहोत तर गुंतवणकीचे आकडेच तुम्हाला सगळं काही सांगतील.
मोदी सरकारने छोट्या बचत योजनांबाबत उचलेलल्या पावलांचा हा परिणाम पाहायला मिळत आहे. खासकरून वरिष्ठ नागरिकांसाठी सुरू केलेल्या योजनांमध्ये गुंतवणूकदारांना दमदार व्याज मिळत आहे. वरिष्ठ नागरिक बचत योजना म्हणजेच सीनियर सिटीजन सेव्हिंह स्कीममध्ये लोक मोठ्या प्रमाणात गुंतवणूक करत आहे.
एप्रिलपासून आतापर्यंत २.५ पटींनी गुंतवणूक वाढली
रिपोर्टनुसार, एप्रिल-सप्टेंबर सहामाहीत सीनियर सिटीझन्स सेव्हिंग स्कीममध्येच केवळ गुंतवणूक वाढली नाही तर महिलांसाठी चालवण्यात आलेल्या छोट्या बचन योजनांमधील गुंतवणुकीचा आकडाही वाढला आहे. सीनियर सिटीजन सेव्हिंग स्कीमसाठी डिपॉझिट दरवर्षी २.५ पटींनी वाढत आहे. आता हे वाढून ७४, ६२५ कोटी रूपये इतके झाले आहे. एका अधिकाऱ्याच्या हवाल्याने मिळालेल्या माहितीनुसार वर्षभराआधी इतक्याच कालावधीत एकूण गुतवणूक २८,७१५ कोटी रूपयांची वाढ पाहायला मिळाली. म्हणजेच यात तब्बल १६० टक्क्यांहून जास्त वाढ झाली.
वरिष्ठ नागरिकांना मिळतेय इतके व्याज
सरकारने वरिष्ठ नागरिकांसाठी सुरू करण्यात आलेल्या योजनेत चांगले व्याजदर मिळत आहे. यात व्याजदर जून तिमाहीत ८ ट्क्यांवरून वाढून ८.२ टक्के झाले होते.
महिलांसाठीच्या स्कीममध्ये जोरदार गुंतवणूक
एकीकडे वरिष्ठ नागरिकांसाठीच्या योजनेत मोठ्या प्रमाणात पैसे गुंतवले जात असताना महिलांसाठी सुरू केलेल्या बचत योजनांनाही भरघोस प्रतिसाद मिळत आहे. महिला सन्मान सेव्हिंग सर्टिफिकेट योजनेतही महिला मोठ्या प्रमाणात गुंतवणूक करत आहेत. सप्टेंबर तिमाहीत यातील गुंतवणूक वाढून १३,५१२ कोटी रूपये झाली. ही योजन दोन वर्षांसाठी आहे. यात मार्च २०२५ पर्यंत खाते खोलता येते. या योजनेत मिळणारे व्याजदर ७.५ टक्के इतके आहे.