कुणाल दराडे यांनी घेतली उपोषणकर्ते जरांगे यांची भेट
येवला : मराठा समाजाला आरक्षण (Maratha Reservation) मिळावे या न्याय मागणीसाठी जालना जिल्ह्यातील अंतरवाली सराटी (ता.अंबड) येथे आमरण उपोषण करणारे मनोज जरांगे- पाटील यांची शिवसेनेचे जिल्हाप्रमुख कुणाल दराडे यांनी आज भेट घेऊन आरक्षणाच्या मागणीला पाठिंबा दिला.
कुणाल दराडे यांनी जरांगे पाटील यांची आज भेट घेऊन प्रकृतीची विचारपूस करत मराठा आरक्षणास पाठींबा दर्शविला. याप्रसंगी उपस्थित ग्रामस्थ, समाजाचे पदाधिकारी व प्रतिनिधींशी चर्चा करून मराठा समाजाला आरक्षण मिळण्यासाठी पाठिंबा व्यक्त केला. जरांगे पाटील यांची प्रकृती खालावली असून त्यांना उपोषण स्थळीच सलाईन देखील लावलेले आहे. दिवसेंदिवस प्रकृती खालावत असल्यामुळे त्यांच्या प्रकृतीचा विचार करून सरकारने वेगाने पावले उचलून आरक्षणासंदर्भात ठोस निर्णय घ्यावा अशी मागणी यावेळी दराडे यांनी केली. यावेळी डॉ. विलास कांगणे, मकरंद तक्ते आदी उपस्थित होते.
याप्रसंगी येवला तालुका सकल मराठा समाज व अखिल भारतीय मराठा महासंघाच्या वतीने कुणाल दराडे यांचे आभार व्यक्त केले.