पूणे: पुण्यातील रामकृष्ण मोरे सभागृहात सहकार क्षेत्राच्या वेबपोर्टलच्या उद्घाटनावेळी उपमुख्यमंत्री अजित पवार (Ajit Pawar) यांनी मोदी आणि शहांचं तोंडभरुन कौतुक केलं. ते म्हणाले, शाहू, फुलेंच्या, छत्रपती शिवाजी महाराजांच्या महाराष्ट्राचं भलं फक्त आणि फक्त नरेंद्र मोदी आणि अमित शहाच करू शकतात. पंतप्रधान नरेंद्र मोदी दिवाळीतही सुट्टी न घेता सीमेवर असतात, अशा शब्दात उपमुख्यमंत्री अजित पवार (Ajit Pawar) यांनी मोदी आणि शहांचं तोंडभरुन कौतुक केलं आहे.
पुढे बोलताना ते म्हणाले की, अमित शहा हे गुजरातचे आहेत, पण त्याचं महाराष्ट्रावर अधिक प्रेम आहे. अजित पवारांनी असं म्हणताच सभागृहात टाळ्यांचा कडकडाट झाला. त्यानंतर त्यांनी अमित शहा हे महाराष्ट्राचे जावई आहेत. प्रत्येक जावयाचे सासुरवाडीवर विशेष प्रेम असतं. हे अमित शहांच्या रूपाने ही पाहायला मिळतं. महाराष्ट्र आणि गुजरात काही वर्षांपूर्वी एक होतं. दोन्ही राज्यात ही सहकारातून क्रांती झालेली आहे, असे म्हटले.