राज्यात कोरोनासह स्वाइन फ्लू व इन्फ्लुएंझाची रिएंट्री!

मुंबई-पुण्यात सर्वांधिक, ‘या’ जिल्ह्यांतील कोरोना रुग्णांची संख्या वाढतेय!

मुंबई : भारतात कोरोनाचा (Corona) धोका कमी झाल्यानंतर सर्वकाही सुरळती चालले असताना आता पुन्हा एकदा राज्यात रिएंट्री झाली आहे. (Re-entry of swine flu and influenza along with corona in the state) गेल्या २४ तासात राज्यात नवे २४ कोरोनाचे रुग्ण आढळून आले आहेत. त्यामुळे राज्यात पुन्हा एकदा कोरोना रुग्णांची संख्या वाढतांना दिसते. याशिवाय, राज्यात स्वाइन फ्लू (H1N1), इन्फ्लुएंझा (H2N2) चे रुग्णही आढळून आले आहेत. सध्या राज्यात ९६ कोरोनाचे रुग्ण आढळून आले आहेत. तर स्वाइन फ्लू (H1N1), इन्फ्लुएंझा (H2N2) चे ५२ रुग्ण आढळून आले आहेत.

स्वाइन फ्लू (H1N1), इन्फ्लुएंझा (H2N2) आणि कोरोना (corona) हे तिन्ही संसर्गजन्य रोग आहेत आणि विषाणूंद्वारे पसरतात. त्यामुळे त्याचा प्रसार झपाट्याने होण्याची शक्यता आहे. म्हणून मास्क लावून घराबाहेर पडण्याचा सल्ला देण्यात आला आहे.

ताज्या आकडेवारीनुसार, काल दिवसभरात कोरोनाचे २४ रुग्ण आढळून आले आहेत. सध्या ९६ सक्रीय कोरोना रुग्ण आहेत. त्यात मुंबईत २८, ठाणे २५, पालघर २, रायगड ७, सिंधुदुर्ग १, पुणे २९ रुग्णांचा समावेश आहे. आज दिवसभरात ११ कोरोना रुग्णांना डिस्चार्च देण्यात आला आहे. समाधानकारक बाब अशी कोरोनामुळे आज दिवसभरात एकही मृत्यू झाला नाही. सध्या फॅटिलिटी रेट हा १.८१ टक्के इतर आहेत. तर रिकव्हरी रेट ९१.१८ टक्के आहे.

सक्रीय रुग्णांपैकी सध्या होम आयसोलेशनमध्ये ७८ रुग्ण आहेत. तर रुग्णालयात ५ रुग्ण उपचार घेत आहेत. आरोग्य मंत्रालयाने दिलेल्या माहितीनुसार, ६ जुलै ते १२ जुलैच्या दरम्यान राज्यात ७१ रुग्ण होते. त्यानंतर त्यात किंचीत वाढ झाली होती. त्यामुळं पुढच्या आठवड्यात म्हणजे, १३ जुलै ते १९ जुलै दरम्यान ७५ कोरोना रुग्ण आढळले होते. २० जुलै ते २७ जुलैच्या दरम्यान ७० रुग्ण आढळले आहेत. आता यात मोठी वाढ झाली असून २७ जुलै ते २ ऑगस्ट च्या दरम्यान ९६ रुग्ण आहेत.

कोरोनाची धोका वाढत असतांना स्वाइन फ्लू (H1N1), इन्फ्लुएंझा (H2N2) च्या रुग्णांची संख्याही वाढत आहे. स्वाइन फ्लूच्या १ जानेवारी ते ३१ जुलै पर्यंत ६८४ केसेस आढळून आल्या होत्या. या काळात ६ रुग्णांचा मृत्यू झाला होता. तर इन्फ्लुएंझाचे ९५० रुग्ण आढळून आले होते. काल स्वाइन फ्लूचे १५ तर इन्फ्लुएंझाचे ३७ रुग्ण आढळून आले.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra