काय म्हणाली अभिनेत्री सुरेखा वाणी?
तामिळनाडू : सुरेखा वाणी (Surekha Vani)ही तेलुगु चित्रपटसृष्टीतील लोकप्रिय चरित्र अभिनेत्री आहे. तीने तामिळमध्ये जिला, उथमपुत्रनसह अनेक चित्रपटांमध्ये काम केले आहे. तेलगू चित्रपट निर्माते के. पी. चौधरी याला नुकतीच अमली पदार्थ बाळगल्याप्रकरणी अटक करण्यात आली असून चौधरी हा चित्रपट सेलिब्रेटींना ड्रग्ज पुरवत असल्याचे आरोप झाले होते.
सुरेखा वाणीचा के. पी. चौधरीसोबतचा (K P Chowdhary) क्लोजअप फोटोही प्रसिद्ध झाला. त्यामुळे सुरेखा वाणी या ड्रग्ज प्रकरणाशी जोडली गेली आणि ही बातमी वा-यासारखी सोशल मीडियात पसरल्याने खळबळ उडाली.
सुरेखा वाणी हिने याबाबतचा खुलासा करणारा व्हिडिओ जारी केला आहे. ज्यामध्ये ती म्हणते, ‘माझ्यावर काही काळापासून खोटे आरोप होत आहेत. याचा आम्हाला खूप फटका बसतो. या वादाशी आमचा काहीही संबंध नाही. माझे चित्रपट कारकीर्द, माझ्या मुलांचे भविष्य, माझे कुटुंब आणि आमच्या आरोग्यावर अशा अफवांचा खूप परिणाम होतो. कृपया आमच्याशी संबंधित अशा अफवा पसरवणे थांबवा. आम्हाला समजून घ्या.” असे कळकळीचे आवाहन तिने केले आहे.