Ed Raids: ईडीच्या धाडीत संजीव जयस्वाल यांच्या घरी सापडले घबाड! पत्नीची संपत्ती पाहून डोळे विस्फारतील

  360

मुंबई: करोना काळात उभारण्यात आलेल्या जम्बो कोविड सेंटरच्या कंत्राटातील घोटाळ्याप्रकरणी ईडीचे कारवाई सत्र जोरदार सुरु आहे. आज महापालिकेचे तत्कालिन अतिरिक्त आयुक्त व वरिष्ठ सनदी अधिकारी संजीव जयस्वाल यांच्या घरी ईडीने धाड टाकली. ईडीच्या या झाडाझडतीत संजीव जयस्वाल यांच्या पत्नीची डोळे विस्फारायला लावणारी संपत्ती समोर आली आहे.


संजीव जयस्वाल यांच्या पत्नीकडे स्थावर आणि जंगम मालमत्ता मिळून तब्बल ५० कोटी रुपयांची संपत्ती असल्याचे समोर आले आहे. तसेच जयस्वाल यांच्या पत्नीच्या नावे मढ आयलंडला अर्धा एकर जमीन आणि अनेक फ्लॅटस आहेत. या सगळ्या मालमत्तांची एकूण किंमत जवळपास ३४ कोटी रुपये इतकी आहे. याशिवाय, जयस्वाल यांच्या पत्नीच्या नावे बँकांमध्ये १५ कोटी रुपयांच्या मुदत ठेवी आहेत.


दरम्यान, ईडी अधिकाऱ्यांकडून संजीव जयस्वाल आणि त्यांच्या पत्नीला त्यांच्या संपत्तीचा तपशील आणि स्रोत विचारण्यात आला. त्यावेळी जयस्वाल यांच्या पत्नीने मढ आयलंड येथील भूखंड हा वडिलांकडून भेट मिळाल्याचे सांगितले. जयस्वाल यांच्या पत्नीचे वडील महसूल खात्यातील माजी अधिकारी होते. आई-वडील आणि आजी-आजोबांनी मढ आयलंड येथील भूखंड आपल्याला दिल्याचे जयस्वाल यांच्या पत्नीने सांगितले.


दरम्यान, ईडीने जयस्वाल यांना गुरुवारी चौकशीसाठी उपस्थित राहण्याचे समन्स बजावले होते. मात्र ते गैरहजर राहिले. कंत्राट वाटपातील नेमकी भूमिका व कंत्राटाला मंजुरी देण्याच्या दस्तावेजांवर स्वाक्षरी केली अथवा नाही, हे जाणून घेण्यासाठी जयस्वाल यांची चौकशी होणार असल्याचे ईडीतील सूत्रांचे म्हणणे आहे.

Comments
Add Comment

ST : राज्यातील सर्वात मोठे स्क्रॅपिंग सेंटर (भंगार केंद्र) एसटीच्या जागेवर उभारले जाणार, 'एसटी'साठी उत्पन्नाचा नवा स्त्रोत...

मुंबई : एसटी विभागीतल जुनी वाहने  स्क्रॅप करून त्याचे सुटे भाग पुन्हा वापरात येणार नाहीत, अशा पद्धतीने त्यांची

पुढील दोन दिवस महत्त्वाचे! मुंबई, पुणे, दक्षिण कोकणसह राज्याच्या 'या' भागात मुसळधार पावसाची शक्यता, IMDचा ॲलर्ट

मुंबई : मुंबईमध्ये शुक्रवारी पावसाची उपस्थिती दिलासादायक होती. वीकेंडला एक-दोन ठिकाणी मुसळधार पावसाची शक्यता

दिलासादायक! मुंबईत कोविड शून्य रुग्ण नोंद

कोविड सदृश्य अथवा तत्सम लक्षणे आढळल्यास कृपया योग्य ती काळजी घ्यावी : बृहन्मुंबई महानगरपालिका प्रशासनाचे

रविवारी रेल्वेचा मेगाब्लॉक

मुंबई : मुंबई उपनगरीय रेल्वेचा रविवार २९ जून २०२५ रोजी मेगाब्लॉक आहे. ब्लॉक काळात उपनगरीय रेल्वे सेवेच्या

कचऱ्याच्या ढिगाऱ्यात सापडली लोडेड पिस्टल, खेळणी समजून मुलाने केला गोळीबार

12 वर्षांच्या मुलाकडून चुकून हवेत गोळीबार मुंबई:  दहिसर पूर्वच्या वैशाली नगर येथून एक धक्कादायक माहिती समोर येत

मध्य -हार्बर मार्गावर उद्या मेगा ब्लॉक

मुंबई : मध्य रेल्वेवर येत्या रविवारी विविध अभियांत्रिकी आणि देखभालीची कामे करण्यासाठी उपनगरीय विभागांवर मेगा