‘खुपते तिथे गुप्ते’मध्ये केंद्रीय मंत्री नारायण राणेंनी सांगितला किस्सा
मुंबई : केंद्रीय सूक्ष्म, लघू आणि मध्यम उद्योग मंत्री नारायण राणे यांची अवधूत गुप्ते यांनी घेतलेली मुलाखत येत्या रविवारी रात्री ९ वाजता झी मराठी, या वाहिनीवर ‘खुपते तिथे गुप्ते’, या कार्यक्रमात प्रसारित होणार आहे. यातले काही अंश खास आपल्या वाचकांसाठी...
अवधूत गुप्ते : कोकणातले एकमेव तुमचे घर फोडणे किंवा जाळण्यापर्यंत गेले होते. तुम्हाला असे वाटते का, की दहशतीचे राजकारण जे आहे... जे तुम्हीपण सुरुवातीला केले. त्याचे काहीतरी कुठेतरी रिफर्केशन उमटले आहेत.
नारायण राणे : मी औरंगाबादला होतो. सकाळी चार वाजता माझा मित्र रवी, तो मला म्हणाला... तुझे घर जाळले आहे. टीव्हीवर दिसत आहे. तेवढ्यात बाळासाहेबांचा फोन आला... ते म्हणाले, मी पाहतोय तुझं घरं जळतंय, पण लक्षात ठेव ‘सोनं जेव्हा जळतं, तेव्हा जास्त उजळतं’.