धुळे : गेल्या काही दिवसांपासून राज्यात विविध ठिकाणी धार्मिक वाद उसळत आहेत. दंगली, हाणामारीचे प्रकार वाढून राज्यात ताणतणाव निर्माण झाला आहे. त्यातच बुधवारी धुळे शहरातील मोगलाई परिसरात एका धार्मिक स्थळातील मूर्तीची विटंबना केल्याचा धक्कादायक प्रकार उघडकीस आला होता. या प्रकरणी धुळ्यातील हिंदुत्ववादी संघटनांनी आक्रमक होऊन आज मोर्चाचे आयोजन केले आहे.
मूर्तीची विटंबना झाल्यामुळे रामाची नवीन मूर्ती मंदिरात स्थापन करण्यात येणार आहे. या मूर्तीची पूजा पार पडली असून या मोर्चाद्वारे मूर्ती आगरा रोडवरील श्रीराम मंदिरापर्यंत नेली जाईल. या मोर्चाला कार्यकर्त्यांचा प्रचंड प्रतिसाद असून कार्यकर्ते भगव्या टोप्या व भगवे झेंडे घेऊन मोर्चात दाखल झाले आहेत. या मोर्चामध्ये विश्व हिंदू परिषद, बजरंग दल अशा विविध संघटनादेखील सहभागी झाल्या आहेत. तसेच खासदार सुभाष भामरे, महापौर प्रतिभा चौधरी, माजी आमदार राजवर्धन कदमपाटील, माजी महापौर जयश्री अहिरराव, भारतीय जनता पार्टीचे महानगरप्रमुख अनुप अग्रवाल, प्रदीप करपे हेदेखील यात सहभागी झाले आहेत.
धुळ्यात कोणतीही तणावपूर्ण परिस्थिती निर्माण होऊ नये यासाठी विशेष खबरदारी घेत पोलिसांनी मोर्चाच्या मार्गावर कडेकोट बंदोबस्त केला आहे. जवळपास ४५० अधिकारी व २०हून अधिक पोलीस कर्मचारी मोर्चाच्या मार्गावर तैनात असणार आहेत. पोलीसांनी कार्यकर्त्यांना शांताता राखण्याचे आवाहन केले आहे.
मोर्चा मंदिरात पोहोचल्यानंतर त्याठिकाणी महाआरती होणार आहे. त्यानंतर हा मोर्चा शिवाजी महाराजांचा पुतळा असलेल्या शिवतीर्थ चौक येथे पोहोचणार आहे व त्या ठिकाणी मोर्चाचा समारोप केला जाणार आहे.
मुंबई : दहावी आणि बारावीच्या (SSC-HSC Exam) परीक्षेत अनुत्तीर्ण (Fail) झालेल्या विद्यार्थ्यांसाठी महत्त्वाची माहिती समोर…
चिमुकल्यांसह पालकांमध्ये भीतीचे वातावरण सांगली : शालेय विद्यार्थ्यांना शाळेची गोडी लागावी यासाठी शालेय पोषण आहार…
मुंबई : सध्या सातत्याने महागाई वाढत चालत असल्याचे चित्र दिसून येत आहे. त्यामुळे सर्वसामान्यांच्या खिशाला…
मुंबई: जुलै महिन्याला सुरूवात झाली आहे. जुलै २०२४मध्ये ४ मोठे ग्रह शुक्र, बुध, मंगळ आणि…
मुंबई: भारतीय क्रिकेट संघ अद्याप बार्बाडोसमध्येच अडकला आहे. टीम इंडियाने बार्डाडोसमध्ये फायनल सामना जिंकत टी-२०…
मुंबई:रिलायन्स जिओचे प्लान आजपासून महाग होत आहेत. आता ग्राहकांना रिचार्ज कऱण्यासाठी आधीपेक्षा १२ ते २५…