Monday, July 15, 2024
Homeमहाराष्ट्रकोकणदि रायगड जिल्हा मध्यवर्ती सहकारी बँकेला आग, सर्व कागदपत्रे जळाली

दि रायगड जिल्हा मध्यवर्ती सहकारी बँकेला आग, सर्व कागदपत्रे जळाली

कर्जत: कर्जत शहरातील मध्यवर्ती ठिकाणी असलेल्या रायगड जिल्हा मध्यवर्ती सहकारी बँकेच्या पहिल्या मजल्यावर आग लागली. पहाटे ३ ते ४ वाजण्याच्या सुमारास शॉटसर्किटमुळे लागलेल्या या आगीत बँकेतील सर्व दस्तऐवज जळून खाक झाले आहेत. दरम्यान, आग आटोक्यात आणण्यात अग्निशमन दलाला यश आले आहे.

या बँकेला पहाटे लागलेली आग तिथून जाणाऱ्या भाजीपाला विक्रेत्याच्या निदर्शनास आली. तात्काळ त्याने तेथील स्थानिक ग्रामस्थ यांना कळविले. ग्रामस्थ व कर्जत पोलीस यांच्या मदतीने पहाटे ५ वाजता अग्निशमन दलाच्या कर्जतच्या टीमला पाचारण केले.

आज बँक बंद असल्यामुळे कोणत्याही प्रकारची जीवितहानी अन् मोठा अनर्थ टळला . यानंतर ही आग विझविण्याचे शर्थीचे पर्यंत सुरू करण्यात आले. ३ तासांच्या अथक परिश्रमानंतर लागलेली आग आटोक्यात आणण्यात अग्निशमन दलाला यश आले. या आगीत बँकेच्या सर्व कागदपत्रांसह इतर सर्व सामानाचे मोठ्या प्रमाणात नुकसान झाले असल्याचे समजते.

यावेळी स्थानिक ग्रामस्थांसह कर्जत पोलीस ठाण्याचे पोलीस अधिकारी, बँक अधिकारी, कर्मचारी, अग्निशमन दलाची संपुर्ण टीम उपस्थित होती. सदरील लागलेल्या आगीत बँकेचा डेटा ३ ठिकाणी सुरक्षित असून बँकेचा विमा असल्याची माहिती बँक अधिकाऱ्यांनी दिली आहे. तर बँकेचे सर्व व्यवहार येत्या चार दिवसात सुरळीत होतील. ग्राहकांनी घाबरण्याचे कारण नाही, असे बँकेचे संचालक राजेंद्र हजारे यांनी सांगितले.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -