अमरावती : अमरावती पदवीधर मतदारसंघात झालेल्या अटीतटीच्या लढतीत महाआघाडीचे धीरज लिंगडे यांना ४६,३४४ व भाजपचे रणजीत पाटील यांना ४२,९६२ मते मिळाली आहेत. मात्र विजयासाठी आवश्यक ४७,१०१ मतांचा कोटा एकही उमेदवार पूर्ण करू शकलेला नाही. यामुळे मतमोजणी संपली असली तरीही येथे विजयी घोषित करावे की नाही याबाबत तिढा कायम आहे.
अमरावती पदवीधर मतदारसंघाच्या निवडणुकीत २१ उमेदवार बाद झाल्यानंतर विजयासाठी आवश्यक ४७१०१ मतांचा कोटा एकही उमेदवार पूर्ण करू शकले नाहीत.
या दोन्ही उमेदवारापैकी सर्वाधिक मते असणाऱ्या धीरज लिंगाडे यांना विजयी घोषित करण्याची औपचारिकता बाकी आहे. या दोन्ही उमेदवारांची नावे व मते निवडणूक निर्णय अधिकारी डॉक्टर दिलीप पांढरपट्टे यांनी भारत निवडणूक आयोगाकडे कळविली आहेत. आयोगाची परवानगी मिळाल्यानंतर धीरज लिंगडे हे विजयी झाल्याची घोषणा करण्यात येणार आहे.
अंतिम दोन उमेदवार असल्याने यापैकी सर्वाधिक मते धीरज लिंगाडे यांना ४६३४४ तर भाजपचे रणजीत पाटील यांना ४२९६२ मते मिळाली आहेत.