Thursday, July 18, 2024
Homeताज्या घडामोडीनाशिकमध्ये पहिल्या दोन तासात साडेसहा टक्के मतदान

नाशिकमध्ये पहिल्या दोन तासात साडेसहा टक्के मतदान

नाशिक : विधानपरिषदेच्या पदवीधर मतदार संघाच्या नाशिक विभागासाठी आज होत असलेल्या मतदानात सकाळी पहिल्या दोन तासात साडेसहा टक्के मतदान झाले असल्याचे सांगण्यात आले आहे.

नाशिकसह धुळे, जळगाव, अहमदनगर व नंदुरबार या पाच जिल्ह्यांच्या या विभागात हे मतदान आज होत आहे. विधान परिषदेच्या या एका जागेसाठी सोळा उमेदवार रिंगणात उतरले असून दुपारी चार वाजेपर्यंत ही मतदान प्रक्रिया सुरू राहणार आहे.

पाच जिल्ह्यांमध्ये सुमारे ३३८ मतदान केंद्र प्रशासनाच्या वतीने उभारण्यात आले आहेत. ही निवडणूक अत्यंत चुरशीची ठरलेली असल्याने या निवडणुकीकडे संपूर्ण राज्याचे लक्ष लागले आहे.

रिंगणात असलेल्या १६ उमेदवारांपैकी एकही उमेदवार अधिकृत पक्षाचा नसला तरी काही उमेदवारांना पाठिंबा मात्र मिळाला आहे. या निवडणूक रिंगणात असलेल्या सत्यजित तांबे यांना भाजपाकडून पाठिंबा मिळेल असे वाटत होते मात्र अद्याप तशी घोषणा झाली नसली तरी शहरातील मतदान केंद्रांवर भाजपाचे पदाधिकारी तांबे यांचा प्रचार करताना दिसून येत होते.

पहिल्या दोन तासात काही प्रमाणात का होईना परंतु नगर जिल्ह्यामध्ये सर्वाधिक मतदान झाल्याची नोंद झाली आहे.

पहिल्या दोन तासात झालेले जिल्हानिहाय मतदान

नंदुरबार – ६.१२ टक्के
धुळे – ६.५५ टक्के
जळगाव – ६.४७ टक्के
नाशिक – ५.४९ टक्के
अहमदनगर – ७.२१ टक्के

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -