ठाणे : उथळसर प्रभाग समिती जवळील दर्ग्यासमोर मंगळवारी सकाळी ठाणेहून भिवंडीच्या दिशेने जात असलेल्या महाराष्ट्र राज्य परिवहन महामंडळाच्या बसला आग लागली. या घटनेनंतर सतर्क झालेल्या चालकाने बस लागलीच रस्त्याच्या बाजूला घेऊन ६५ प्रवाशांना खाली उतरण्यास सांगितले. यामुळे मोठी दुर्घटना टळली.
महाराष्ट्र राज्य परिवहन महामंडळाची बस मंगळवारी सकाळी ८ वाजताच्या सुमारास ठाणेहून भिवंडीच्या दिशेने जात होती. भिवंडी आगाराची ही बस होती. या बसमध्ये चालक आनंद विठोबा सवारे आणि वाहक अजित नामदेव कांबळे यांच्यासह ६५ प्रवाशी प्रवास करीत होते. उथळसर प्रभाग समिती जवळील दर्ग्यासमोर बसच्या स्टार्टरमध्ये शॉर्टसर्किट होऊन आग लागली. ही बाब निदर्शनास येताच चालक आनंद विठोबा सवारे यांनी बस लागलीच रस्त्याच्या बाजूला घेतली. तसेच बसमध्ये आग लागल्याची सूचना देत प्रवाशांना तात्काळ खाली उतरण्यास सांगितले. त्यानंतर भेदरलेल्या प्रवाशांनी बसमधून खाली उतरण्यासाठी गर्दी केली.
काही वेळातच सर्व प्रवाशी बसमधून खाली उतरले. दरम्यान या बसला आग लागली असल्याची माहिती स्थानिक नागरिकांकडून मिळताच जवाहरबाग अग्निशमन केंद्राचे जवान आणि आपत्ती व्यवस्थापन कक्षाचे कर्मचाऱ्यांनी घटनास्थळी धाव घेतली. बसला लागलेली आग बसमधील चालक, वाहक, स्थानिक रहिवाशी, आपत्ती व्यवस्थापन कक्षाचे कर्मचारी व अग्निशमन दलाचे जवान यांच्या मदतीने पूर्णपणे विझविण्यात आली.
ठाणे : उथळसर प्रभाग समिती जवळील दर्ग्यासमोर मंगळवारी सकाळी ठाणेहून भिवंडीच्या दिशेने जात असलेल्या महाराष्ट्र राज्य परिवहन महामंडळाच्या बसला आग लागली. या घटनेनंतर सतर्क झालेल्या चालकाने बस लागलीच रस्त्याच्या बाजूला घेऊन ६५ प्रवाशांना खाली उतरण्यास सांगितले. यामुळे मोठी दुर्घटना टळली.
महाराष्ट्र राज्य परिवहन महामंडळाची बस मंगळवारी सकाळी ८ वाजताच्या सुमारास ठाणेहून भिवंडीच्या दिशेने जात होती. भिवंडी आगाराची ही बस होती. या बसमध्ये चालक आनंद विठोबा सवारे आणि वाहक अजित नामदेव कांबळे यांच्यासह ६५ प्रवाशी प्रवास करीत होते. उथळसर प्रभाग समिती जवळील दर्ग्यासमोर बसच्या स्टार्टरमध्ये शॉर्टसर्किट होऊन आग लागली. ही बाब निदर्शनास येताच चालक आनंद विठोबा सवारे यांनी बस लागलीच रस्त्याच्या बाजूला घेतली. तसेच बसमध्ये आग लागल्याची सूचना देत प्रवाशांना तात्काळ खाली उतरण्यास सांगितले. त्यानंतर भेदरलेल्या प्रवाशांनी बसमधून खाली उतरण्यासाठी गर्दी केली.
काही वेळातच सर्व प्रवाशी बसमधून खाली उतरले. दरम्यान या बसला आग लागली असल्याची माहिती स्थानिक नागरिकांकडून मिळताच जवाहरबाग अग्निशमन केंद्राचे जवान आणि आपत्ती व्यवस्थापन कक्षाचे कर्मचाऱ्यांनी घटनास्थळी धाव घेतली. बसला लागलेली आग बसमधील चालक, वाहक, स्थानिक रहिवाशी, आपत्ती व्यवस्थापन कक्षाचे कर्मचारी व अग्निशमन दलाचे जवान यांच्या मदतीने पूर्णपणे विझविण्यात आली.