सोलापूर : सोलापूर जिल्ह्यात काही ठिकाणी भूकंपाचे सौम्य धक्के जाणवले. सकाळी ६.२२ वाजता काही ठिकाणी भूकंपाचे सौम्य धक्के जाणवल्याची माहिती स्थानिकांनी दिली. याबाबत सोलापूर जिल्हा प्रशासनाने या बातमीला दुजोरा दिला आहे. मात्र भूकंपाची तीव्रता अतिशय कमी असल्याने कोणतीही हानी यामध्ये झाली नसल्याचे स्पष्टीकरण देखील प्रशासनाने दिले आहे.
कर्नाटकतील विजापूरपासून १० किलोमीटर अंतरावर भूकंपाचं केंद्रबिंदू आहे. त्याठिकाणी भूकंपाची तीव्रता ४.६ रिश्टर स्केल इतकी होती. त्यामुळे सोलापूर जिल्ह्यातील सांगोला, पंढरपूर, मंगळवेढा तालुक्यातील गावात भूकंपाचे सौम्य धक्के जाणवले.
सोलापूर जिल्ह्यातील काही भागात आज सकाळी भुकंपाचे सौम्य धक्के जाणवले. सकाळी साडे सहाच्या सुमारास हे भुकंपाचे धक्के जाणवल्याच्या माहिती नागरिकांनी दिली.
कर्नाटकात मागील काही दिवसांपासून सतत भूकंपाचे धक्के जाणवत आहेत. काही दिवसांपूर्वी विजयापुर येथील स्थानिक नागरिकांना देखील धक्के जाणवले होते. त्यावेळी प्रशासनाने भूकंपाचे धक्के नसून पावसामुळे भूगर्भीय हालचाली असल्याचे सांगितले होते. मात्र आज जाणवलेले धक्के हे भूकंपाचे असून विजयापूर पासून १० किलोमीटर अंतरावर भूकंप केंद्र असल्याची माहिती सोलापूर जिल्हा प्रशासनाने दिली आहे.