उरण : उरणच्या हितेश भोईरने केरळ येथे झालेल्या राष्ट्रीय जलतरण स्पर्धेत तीन सुवर्ण पदकांची कमाई करत आपल्या कामगिरीचा ठसा उमटवला.तिरुअनंतपुरम मास्टर्स गेम असोसिएशन, केरळ यांच्या वतीने तिरुअनंतपुरम येथे नुकतीच चौथी राष्ट्रीय जलतरण स्पर्धा पार पडली. या स्पर्धेमध्ये देशभरातील नावाजलेल्या स्पर्धकांनी सहभाग घेतला होता.
उरणमधील हितेश भोईर याने या स्पर्धेमध्ये महाराष्ट्राचे नेतृत्व केले. हितेशने या स्पर्धेमध्ये ५० मी. फ्रिस्टाईल, १०० मी. फ्रिस्टाईल आणि ४०० मी. फ्रिस्टाईल या तीन प्रकारांमध्ये वैयक्तिक तीन सुवर्ण पदकांची कमाई केली आहे.
४-५० मी. फ्रिस्टाईल रिले आणि ४-५० मी. मिडले रिले या दोन सांघिक जलतरण प्रकारांमध्ये रौप्य पदक मिळवून दिले. या यशाबद्दल हितेशवर अभिनंदनाचा वर्षाव होत आहे.