मुंबई (प्रतिनिधी) : मुंबई महानगरपालिकेच्या एन विभाग हद्दीमधील विद्याविहार येथील १५ अनधिकृत झोपड्या मंगळवारी निष्कासित करण्यात आल्या. एन विभागाचे सहाय्यक आयुक्त संजय सोनवणे, कनिष्ठ सहाय्यक अभियंता बेलदार सचिन व इतर अधिकारी, परीरक्षण विभाग यांनी टिळकनगर पोलीस ठाण्याच्या सहाय्याने निष्कासित करण्यात आल्या आहेत. या ठिकाणी बृहन्मुंबई महानगरपालिकेच्या पूल विभागाकडून रस्त्याचे काम करण्यात येणार आहे.
करण्यात आलेल्या कारवाईसाठी मुंबई पोलीस दलातील कर्मचारी घटनास्थळी तैनात होते. या कारवाईसाठी बृहन्मुंबई महानगरपालिकेचे कामगार, कर्मचारी-अधिकारीदेखील घटनास्थळी कर्तव्यावर उपस्थित होते. तसेच जे. सी. बी., पोकलेन यासारख्या यंत्रसामग्रीचा वापरही या कारवाईदरम्यान करण्यात आला, अशी माहिती ‘एन’ विभागाचे सहाय्यक आयुक्त संजय सोनवणे यांनी दिली.