नवी दिल्ली (हिं.स.) : केंद्रीय अन्वेषण विभागाने (सीबीआय) माजी केंद्रीय मंत्री पी. चिदंबरम यांचे पुत्र कार्ती चिदंबरम यांच्या ९ ठिकाणांवर एकाचवेळी छापेमारी केली आहे. सीबीआयने आज, मंगळवारी सकाळी ६ वाजता ही धडक कारवाई केली. कार्ती चिदंबरम यांच्यावर अनधिकृतरित्या पैसे घेऊन चिनी नागरिकांना व्हिसा दिल्याचा आरोप आहे. याप्रकरणी सीबीआयने नवा गुन्हा दाखल केला आहे.
सीबीआयने यासंदर्भात कार्ती चिदंबरम आणि वडील पी. चिदंबरम यांच्या चेन्नई, मुंबई, तामिळनाडू, पंजाब, दिल्ली, ओरिसा येथील सुमारे ९ ठिकाणांवर छापे टाकले आहेत. सूत्रांनी दिलेल्या माहितीनुसार, सीबीआयने पी. चिदंबरम यांच्या जोरबाग आणि चेन्नई येथील निवासस्थानावरही छापे टाकले आहेत. सीबीआयच्या कारवाईवर प्रतिक्रिया देताना कार्ती चिदंबरम यांनी ट्विट केले आहे. यात ते म्हणाले की, ‘मी मोजणी विसरलो, असे किती वेळा झाले? एक रेकॉर्ड असावा असे त्यांनी नमूद केलेय.
केंद्रीय तपास यंत्रणेने २०१०-१४ मध्ये गैरप्रकारे परदेशी निधी मिळवल्याचा आरोप करत कार्ती चिदंबरम यांच्याविरुद्ध गुन्हा दाखल केला होता. सध्या कार्ती चिदंबरम यांची अनेक गुन्ह्यांशी संबंधित चौकशी सुरु आहे. यामध्ये एअरसेल-मॅक्सिस डील आणि आयएनएक्स मीडियाला ३०५ कोटी रुपयांचा परदेशी निधी प्राप्त करण्यासाठी विदेशी गुंतवणूक मंडळाच्या मंजुरीशी संबंधित अनेक गुन्हे प्रकरणांत अशांचा समावेश आहे. हा परदेशी निधी त्यांचे वडील पी. चिदंबरम अर्थमंत्री असताना कार्ती यांना मिळाला होता.
सीबीआयने १५ मे २०१७ रोजी आयएनएक्स मीडियाविरोधात एफआयआर नोंदवला होता. आयएनएक्स मीडिया समूहाकडून २००७ मध्ये विदेशी गुंतवणूक प्रोत्साहन मंडळाच्या (एफआयपीबी) मंजुरीमध्ये अनियमित व्यवहार करून ३०५ कोटी रुपयांचे परदेशी चलन मिळवले असल्याचा आरोप आहे. कंपनीला परकीय गुंतवणुकीची परवानगी मिळाली तेव्हा पी. चिदंबरम हे देशाचे अर्थमंत्री होते.
मुंबई : भारतीय क्रिकेट संघाने टी-२० विश्वचषकाचे (ITC T20 World cup) विजेतेपद पटकावल्याने देशवासीयांमध्ये आनंदाची…
पर्यटनासाठी आले आणि... पुणे : पावसाळा सुरु होताच अनेकजण पर्यटनाचं (Monsoon picnic) आयोजन करतात. मात्र,…
नवी मुंबई : महाराष्ट्र शासनामार्फत बेलापूर गावात होत असलेल्या विकास कामांचा पाहणी दौरा भाजपाच्या आमदार…
मुंबई : प्रत्येक महिन्याच्या १ तारखेपासून अनके गोष्टींच्या नियमांमध्ये (New Rules) बदल होतात. उद्यापासून म्हणजेच…
सुजाता सौनिक यांची झाली नियुक्ती मुंबई : राज्याच्या इतिहासात पहिल्यांदाच राज्याच्या मुख्य सचिवपदी (Chief Secretary…
पुण्यात धक्कादायक प्रकारांचे सत्र सुरुच पुणे : पुण्यातील गुन्हेगारीचे (Pune crime) प्रमाण चिंताजनक झाले असतानाच…