एअरपोर्ट आणि फ्लाईटमध्ये निनादणार भारतीय संगीत

नवी दिल्ली : देशातील विमानतळे आणि विमानांमध्ये भारतीय संगीत ऐकता येणार आहे. याबाबत इंडियन काउन्सिल ऑफ कल्चरल रिसर्चने नागरी उड्डाण मंत्रालयाला विनंती केली होती. त्यानंतर केंद्रीय नागरी उड्डयन मंत्रालयाच्या संयुक्त सचिव उषा पाधियांनी देशातील विमान कंपन्या आणि विमानतळ ऑपरेटर्सना यासंदर्भात पत्र पाठवले आहे.

आपल्या पत्रामध्ये उषा पाधी यांनी लिहिले की, जगभरातील बहुतांश विमानांमध्ये त्या-त्या देशांतील सर्वोत्कृष्ट गाणी ऐकवली जातात. उदाहरण द्यायचे झाल्यास, अमेरिकी विमानांमध्ये जॅझ, ऑस्ट्रियाच्या विमानांमध्ये मोझार्ट आणि मध्य-पूर्व देशांमधील विमानांमध्ये अरबी संगीत ऐकवलं जातं. पण भारतीय विमानांमध्ये क्वचितच भारतीय संगीत ऐकायला मिळते. आपल्याला संगीताची समृद्ध अशी परंपरा लाभली आहे. शिवाय आपल्याला अभिमान वाटावा अशा देशातील कित्येक गोष्टींपैकी एक इथलं संगीत आहे. तरीही आपल्याकडे अशी स्थिती आहे.

केंद्रीय नागरी उड्डाण मंत्री ज्योतिरादित्य शिंदे यांनी 23 डिसेंबर 2021 रोजी आयसीसीआरच्या मुख्यालयाला भेट दिली होती.आयसीसीआर ही भारत सरकारची एक स्वायत्त संस्था आहे, जी परराष्ट्र मंत्रालयाच्या अंतर्गत काम करते. या संस्थेचे अध्यक्ष विनय सहस्रबुद्धे यांनी यावेळी शिंदे यांना आयसीसीआरतर्फे एक पत्र दिले. या पत्रामध्ये विमानांमध्ये भारतीय संगीत ऐकवलं जात नसल्याबाबत खेद व्यक्त करण्यात आला होता. या पत्रावर अनु मलिक, कौशल एस. इनामदार, मालिनी अवस्थी, शौनक अभिषेकी, मंजुषा कुलकर्णी-पाटील, संजीव अभ्यंकर, रिता गांगुली आणि वसीफुद्दीन डागर यांच्यासह अन्य गायक आणि संगीतकारांनी स्वाक्षरी केली होती.

Comments
Add Comment

Jaipur Bus Accident : काळ आला पण वेळ...हाय टेंशन तारेच्या स्पर्शाने बसला भीषण आग, १२ कामगार होरपळले; दोघांचा दुर्दैवी मृत्यू

जयपूर : राजस्थानमधील जयपूर (Jaipur)  जिल्ह्यात कामगारांना घेऊन जाणाऱ्या एका खासगी बसला आग लागून भीषण दुर्घटना

भारताने युद्धासारख्या परिस्थितीसाठी सज्ज राहावे, संरक्षण मंत्री राजनाथ सिंह

नवी दिल्ली : मे महिन्यात पाकिस्तानसोबत झालेल्या चार दिवसांच्या लष्करी संघर्षानंतर भारताने युद्धासारख्या

भारतातील तरुणांच्या लोकसंख्येत झपाट्याने घट

नवी दिल्ली : देशाच्या लोकसंख्येत झपाट्याने वाढ होत आहे. सांख्यिकी आणि कार्यक्रम अंमलबजावणी मंत्रालयाचा अहवाल

Uttar Pradesh Crime : अक्षरशः क्रूरतेचा कळस, १२ वर्षीय मुलाचा प्रायव्हेट पार्ट कापून गळा चिरला अन् नंतर...थरकाप उडवणारी हत्या

झांसी : उत्तर प्रदेशातील झांसी जिल्ह्यातून एक अत्यंत हृदयद्रावक आणि क्रूर हत्येची घटना समोर आली आहे. बबीना पोलीस

बँकेचा हप्ता न भरल्यास थेट एआय कॉल करणार

नवी दिल्ली : भारतीय बँकिंगच्या इतिहासात पहिल्यांदाच थकीत कर्जाचे प्रमाण ०.५ टक्के किंवा त्याहूनही खाली

तीव्र प्रकाशात झोपणाऱ्या व्यक्तींना हृदयविकाराचा धोका तब्बल ५६ टक्क्यांनी अधिक

नवी दिल्ली : रात्री झोपताना खोलीत असणारा तेजस्वी प्रकाश केवळ झोपेवरच नव्हे, तर हृदयाच्या आरोग्यावरही गंभीर