सचिनकडून मोहम्मद सिराजचे कौतुक

नवी दिल्ली: विक्रमवीर सचिन तेंडुलकरने युवा वेगवान गोलंदाज मोहम्मद सिराजचे कौतुक केले आहे. त्याच्या पायात स्प्रिंग आहे, असे मला वाटते. त्यामुळे त्याची बॉलिंग पाहायला मला खूप आवडते.



२७ वर्षीय सिराजची ऊर्जा आणि देहबोलीचेही कौतुक करताना, सिराजची धावपळ तुम्ही पहा. तो पूर्णपणे उर्जेने भरलेला दिसतो. मोहम्मद सिराज हा अशा गोलंदाजांपैकी एक आहे, ज्याला पाहून तुम्ही अंदाज लावू शकत नाही, की तो दिवसाचे पहिले षटक टाकत आहे की शेवटचे. पूर्ण दिवसभर तो तग धरून गोलंदाजी करतो. त्याचा हा गुण मला आवडतो, असे सचिनने एका मुलाखतीत म्हटले आहे.



सिराजने पदार्पणाच्या कसोटीत ऑस्ट्रेलियाविरुद्ध पहिल्या डावात दोन आणि दुसऱ्या डावात तीन विकेट घेतल्या होते. पदार्पणाची आठवण करून देताना सचिन म्हणाला, पहिल्या आंतरराष्ट्रीय सामन्यात सिराजने ५ विकेट घेऊन आपण परिपक्व गोलंदाज असल्याचे दाखवून दिले. हा भारतीय गोलंदाज प्रतिस्पर्धी फलंदाजावर सतत दबाव राखतो. मॅच्युरिटी पाहता तो खूप दिवसांपासून खेळतोय असे वाटले. सिराज उत्तम तयारी करतो. जेव्हा मी त्याला पाहतो तेव्हा तो काहीतरी नवीन घेऊन येतो, असे सचिनने पुढे सांगितले. कौतुक केल्यानंतर सिराजने सचिनचे आभार मानले. धन्यवाद सचिन सर. हे माझ्यासाठी खूप उत्साहवर्धक आहे. देशासाठी मी नेहमीच सर्वोत्तम प्रयत्न करेन. निरोगी राहा, असे ट्वीट सिराजने केले आहे.



सिराज सध्या दक्षिण आफ्रिका दौऱ्यावर आहे. भारत आणि दक्षिण आफ्रिका यांच्यातील तीन कसोटी सामन्यांच्या मालिकेतील पहिला सामना २६ डिसेंबरपासून खेळवला जाणार आहे. पहिल्या सामन्यात कर्णधार विराट कोहली हा जसप्रीत बुमरा आणि मोहम्मद शमीसह सिराजला अंतिम संघात संधी देऊ शकतो.

Comments
Add Comment

'रो-को'ने ऑस्ट्रेलियाचा विजयरथ रोखला, रोहितचे शतक आणि विराटचे अर्धशतक; 'रो-को'ची ऐतिहासिक कामगिरी

सिडनी : भारत आणि ऑस्ट्रेलिया यांच्यात सिडनीच्या मैदानावर रंगलेला एकदिवसीय सामना भारताने नऊ गडी राखून जिंकला.

“विकसित भारत चॅलेंज ट्रॅक” मुंबईत युवा महोत्सव २७ ऑक्टोबरला

मुंबई : युवकांचा सर्वांगीण विकास, भारतीय संस्कृती आणि परंपरेचे जतन, सुप्त गुणांना प्रोत्साहन तसेच राष्ट्रीय

तिसऱ्या युथ आशियाई क्रीडा स्पर्धेत भारताला सुवर्ण

मुंबई : बहरीनमधील मनामा येथे आशियाई युवा क्रीडा स्पर्धा २०२५ मध्ये भारताने कबड्डीमध्ये पूर्ण विजय मिळवत सुवर्ण

सिडनी ODI मध्ये ऑस्ट्रेलिया ऑलआऊट

सिडनी : भारत आणि ऑस्ट्रेलिया यांच्यात तीन एकदिवसीय सामन्यांची मालिका सुरू आहे. ही मालिका ऑस्ट्रेलियाने आधीच २ - ०

ऑस्ट्रेलियाच्या भारताविरुद्धच्या एकदिवसीय टी-२० संघात मोठे फेरबदल! ग्लेन मॅक्सवेल आणि बेन ड्वार्शुइस अखेरच्या टप्प्यात संघात परतणार

मुंबई: भारताविरुद्धच्या तिसऱ्या आणि शेवटच्या वनडेसह आगामी टी-२० मालिकेसाठी ऑस्ट्रेलियाने आपल्या संघात अनेक

षटकारांचा राजा उपाधीपासून रोहित सहा पावले दूर

मुंबई : ऑस्ट्रेलियाविरुद्ध सुरू असलेल्या एकदिवसीय मालिकेतील दुसऱ्या सामन्यात भारताचा माजी कर्णधार रोहित