मुंबई, : एसटी कर्मचाऱ्यांच्या संपामुळे बेजार झालेले परिवहन मंत्री तसेच एसटी महामंडळाचे अध्यक्ष अनिल परब यांच्याकडे भारतीय जनता पार्टीचे सदस्य नितेश राणे यांनी एका प्रकरणात अधिकाऱ्यांच्या निलंबनाचा आग्रह धरल्यामुळे त्यांच्यात तसेच राणे यांच्यात आज विधानसभेत जोरदार बाचाबाची झाली.
भाजपाचे सदस्य मंगलप्रभात लोढा यांनी एसटीमधल्या एका अपहार व अनियमिततेच्या एका तारांकित प्रश्नावर संबंधित अधिकाऱ्यांना निलंबित करण्याची मागणी केली. त्याला उत्तर देताना परिवहन मंत्री अनिल परब यांनी या प्रकरणाची विभागीय चौकशी सुरू असल्याची माहिती दिली. त्यावर भाजपाचे सदस्य आक्रमक झाले. त्यावेळी नितेश राणे यांनी या अधिकाऱ्यांच्या निलंबनाची जोरदार मागणी केली. त्यावेळी परिवहन मंत्री राणे यांना त्यांच्या स्थानावर बसण्याचा आग्रह धरू लागले. त्यामुळे या दोघांमध्ये जोरदार बाचाबाचीही झाली.
विरोधी पक्षनेते देवेंद्र फडणवीस यांनी भाजपाला जागा देण्याचे अधिकार अध्यक्षांना आहेत. त्यात कोणत्या सदस्याला कोणते आसन द्यायचे हे ठरविण्याचा अधिकार आमचा आहे, असे सांगत राणे यांच्या आसनाचे समर्थन केले. तितक्यात उपाध्यक्ष नरहरी झिरवाळ यांनी पुढचा प्रश्न विचारला व पुढे बाचाबाची थांबली. एस.टी. महामंडळातील निवृत्त कर्मचाऱ्यांना आणि मृत कर्मचाऱ्यांच्या वारसांना वेळेवर निवृत्तीवेतनाचा लाभ मिळण्यासाठी महामंडळ सकारात्मक असल्याचे परिवहन मंत्री अनिल परब यांनी मेघना साकोरे बोर्डीकर, राजेश पाटील यांच्या एका तारांकित प्रश्नाच्या उत्तरात सांगितले.
मुंबई : महाराष्ट्र चित्रपट, रंगभूमी आणि सांस्कृतिक विकास महामंडळाच्या वतीने फ्रान्समधील कान आंतरराष्ट्रीय चित्रपट महोत्सवासाठी (Cannes…
मुंबई : सध्या उष्णतेत वाढ होत आहे. घराबाहेर पडताना नागरिक उन्हापासून बचाव करण्यासाठी निरनिराळ्या उपाययोजना…
तुमच्या शरीराला होतील ५ फायदे मुंबई: उन्हाळ्याच्या दिवसात हळू हळू पारा वाढू लागतो.उन्हाळ्यात दुपारी आकाशातून…
सोलापूर : सोलापूर जिल्ह्यातील प्रसिद्ध न्यूरोसर्जन डॉ. शिरीष वळसंगकर (Dr. Shirish Valsangkar) यांनी राहत्या घरी…
बदलापूर : मध्य रेल्वेच्या प्रवाशांसाठी महत्त्वाची बातमी समोर आली आहे. अंबरनाथ,टिटवाळा, बदलापूर या ठिकाणाहून मुंबई…
पुणे : माजी आमदार रवींद्र धंगेकर यांच्या पाठोपाठ काँग्रेसचे आणखी एक माजी आमदार महायुतीच्या वाटेवर…