डहाणू (वार्ताहर) : डहाणू रोड येथील वनपरिक्षेत्र कार्यालयासमोरील जनक स्टोअरमधील पोपटकाका यांचे आयुर्वेदिक औषधाचे दुकान, इंटवाला टेलर यांचे कपड्याचे दुकान आणि श्यामलाल पंजवानी यांच्या दुकानाला गुरुवारी मध्यरात्री १ वाजण्याच्या सुमारास आग लागली. या आगीमुळे करोडोंचे नुकसान झाले असून इमारतीचा तळमजला आणि पहिला मजला आगीत जळून खाक झाला आहे. सुदैवाने, या आगीमुळे कोणतीही जीवितहानी झाली नसल्याची माहिती डहाणू पोलिसांनी दिली.
शुक्रवार दि. १५ च्या दसऱ्याच्या मुहूर्ताची सुरुवात या घटनेने झाली. रात्री १ वाजण्याच्या सुमारास आग शॉर्टसर्किटमुळे आग लागल्याची शक्यता वर्तवली जात आहे. ही आग आटोक्यात आणण्यासाठी डहाणू नगर परिषद, अदानी विद्युत केंद्र, पालघर नगर परिषद, तारापूर औद्योगिक वसाहत आणि लगतच्या गुजरात राज्यातील उंबरगाव येथील अग्निशामक दलाच्या बंबांना पाचारण करण्यात आले. त्यांनी आग पहाटे ६ वाजण्याच्या सुमारास नियंत्रणात आणली.
डहाणू रोड येथील जनक स्टोअरमधील पोपटकाकांच्या देशी आयुर्वेदिक औषधाचे व पूजेचे सामान असलेले दुकान असून त्यात दसरा सणासाठी खूप सामान भरलेले होते. त्यांतील तूप, हवन सामग्रीने पेट घेतला, तर फटाक्यांमुळे छोट्या-मोठ्या स्फोटाने नागरिक हादरले. हे दुकान अंत्यसंस्कारांचे सामान विकणारे डहाणूतील एकमेव दुकान होते. आगीने लगतच्या प्रकाश जीवनजी इंटवाला यांच्या इंटवाला गारमेंट कपड्याच्या दुकानातील कपड्याचे तागे, साड्या, रेडीमेड ड्रेस, तसेच ब्लँकेटला आग लागल्याने ती अधिकच भडकली. शिवाय, लगतच्या सिमेंट व पत्रे असलेले हितेश पंजवाणी यांच्या दुकानाचेही नुकसान झाले.
मुंबई : शाळा-महाविद्यालयांना उन्हाळ्याची सुट्टी पडली असून अनेकांनी बाहेरगावी जाण्याचे बेत आखले आहेत. परिणामी, नियमित…
मुंबई : मुंबईतील सर्व टोल नाक्यांवरून छोट्या वाहनांना टोलमुक्ती मिळाल्यानंतर आता मुंबई-पुणे द्रुतगती महामार्ग आणि…
रवींद्र तांबे जीवनात जे वेळेचे महत्त्व समजून घेत नाहीत ते जीवनात कधीही यशस्वी होत नाहीत.…
मुंबई (खास प्रतिनिधी) : दरवर्षी काही प्रमाणात शहरात नवीन पाणी साचण्याची ठिकाणे निर्माण होत असली…
मुंबईची जीवनवाहिनी रेल्वेला संबोधले जात असले तरी रेल्वेखालोखाल बेस्ट उपक्रमाच्या बसेसना जीवनवाहिनीचा मान दिला जातो.…
रियास बाबू टी नोव्हेंबर २०२३ मध्ये पंतप्रधान नरेंद्र मोदी यांच्या नेतृत्वाखालील केंद्र सरकारने दीनदयाळ अंत्योदय…