मुंबई : मुंबईत गर्दीच्या ठिकाणी बॉम्बस्फोट करण्याच्या धमक्या अनेकदा दिल्या गेल्या. त्यानंतर आता पुन्हा एकदा मुंबईत बॉम्बस्फोट घडवण्याची धमकी देणारे ट्विट मुंबई पोलिसांना मिळताच पोलीस यंत्रणा सतर्क झाली. आणि अवघ्या काही तासातच पोलिसांनी धमकी देणाऱ्या श्रीपाद गोरठकर या १९ वर्षीय माथेफिरू तरुणाला ताब्यात घेतले.
श्रीपाद गोरठकर हा नायगाव तालुक्यातील नावंदी येथील रहिवासी आहे. शिक्षणासाठी तो नांदेड शहरात राहत होता. दोन दिवसांपूर्वी या विद्यार्थ्यांने त्याच्या ट्विटर हँडलवरून मुंबईत विध्वंसक कारवाई करण्याची धमकी देणारे ट्विट केले होते. हा मेसेज मुंबई पोलीस आयुक्तांनाही टॅग करण्यात आला होता. ही बाब मुंबईच्या सायबर सेल आणि गुन्हे शाखेच्या निदर्शनास आली. मुंबईला बॉम्बने उडवून देण्याची धमकी दिल्याने पोलीस यंत्रणा खडबडून जागी झाली. मुंबईच्या सीआययू युनिटने तात्काळ कारवाई करत मेसेज पाठवणाऱ्या तरुणाचा शोध घेतला आणि तो युवक नांदेडमधील नावंदी येथील रहिवासी असल्याचे आढळून आले.
मुंबई पोलिसांनी तातडीने नांदेडचे पोलीस अधीक्षक कृष्णा कोकाटे यांना या संदर्भात माहिती दिली. सोमवारी रात्री दोन वाजण्याच्या सुमारास मुंबई गुन्हे शाखेच्या पोलिसांनी नायगाव पोलिसांच्या मदतीने तरुणाच्या घरावर छापा टाकून तरुणाला ताब्यात घेतले. त्याला अधिक चौकशीसाठी पोलीस मुंबईला घेऊन आले आहेत.
दरम्यान, ट्विटरवर आक्षेपार्ह संदेश टाकण्यामागे या तरुणाचा हेतू काय होता आणि तो मुंबईत कोणते विध्वंसक कृत्य करणार होता, हे तपासात उघड होईल. मात्र या तरुणाच्या या कृत्याने राज्यात खळबळ उडाली आहे.
प्रचाराचा थंडावल्या तोफा, आता मतदारांच्या कौलाची प्रतिक्षा मुंबई : देशात लोकसभा निवडणूक सात टप्प्यात होणार…
माेरपीस: पूजा काळे अश्मयुगीन किंवा त्याहीपेक्षा अतिप्राचीन काळापासून मनुष्य जन्माचं कोडं अघटित, अचंबित करणारं आहे.…
दी लेडी बॉस: अर्चना सोंडे वयाच्या २३ व्या वर्षी तिला कर्करोग झाला. मात्र तिने हिंमतीने…
CSK vs RCB: आज बंगळुरुच्या चिन्नास्वामी मैदानात चेन्नई सुपर किंग्ज आणि रॉयल चॅलेजर्स बंगळुरु आमने-सामने…
मायभाषा: डॉ. वीणा सानेकर महाराष्ट्र ही शिक्षणाची प्रयोगशाळा आहे, असे म्हटले तर ते चुकीचे ठरणार…
स्टेटलाइन: डॉ. सुकृत खांडेकर अठराव्या लोकसभा निवडणुकीसाठी सोमवारी, २० मे रोजी देशाची आर्थिक राजधानी असलेल्या…