कणकवली : वंदे भारत ट्रेनची स्वप्नपूर्ती झाली असून ३ जून रोजी वंदे भारत ट्रेन दुपारी साडे बारा वाजता कणकवली रेल्वे स्थानकावर येणार आहे. सिंधुदुर्ग जिल्हा भाजपच्या वतीने आमदार नितेश राणे, माजी खासदार निलेश राणे यांच्या प्रमुख उपस्थितीत कणकवली रेल्वे स्थानकावर वंदे भारत ट्रेनचे भव्य स्वागत केले जाणार आहे.
कोकण रेल्वे मार्गावर धावणाऱ्या वंदे भारत ट्रेनला पंतप्रधान मोदी ३ जून रोजी सकाळी १०.३० वाजता मडगाव येथे हिरवा झेंडा दाखवणार आहेत. दुपारी १२ वाजून १५ मिनिटांनी वंदे भारत ट्रेन कणकवली स्थानकात दाखल होणार आहे. केंद्रीय उद्योगमंत्री नारायण राणे यांच्या प्रयत्नांमुळे सिंधुदुर्ग जिल्ह्यात कणकवली येथे वंदे भारत ट्रेनला थांबा मिळाला आहे. त्याआधी वंदे भारत ट्रेन ला सिंधुदुर्गात थांबा नव्हता. सुपरफास्ट आणि पूर्ण वातानुकूलित असलेल्या या ट्रेन मधून अत्यंत आरामदायी आणि अगदी कमी वेळेत मुंबईहून कोकणात प्रवास करता येणार आहे. त्यामुळे सिंधुदुर्गात या ट्रेन ला थांबा मिळावा अशी मागणी कोकण रेल्वे प्रवाशातून होत होती.
केंद्रीयमंत्री राणे यांनी थेट केंद्रीय रेल्वेमंत्र्यांची भेट घेत वंदे भारत ट्रेन ला कणकवलीत थांबा मिळवून घेतला. त्यामुळे सिंधुदुर्गातील जनतेला वंदे मातरम ट्रेन ने मुंबईला ये जा करणे सहजशक्य होणार आहे. त्यासाठीच कोकण रेल्वे मार्गावर प्रथमच ३ जून रोजी धावणाऱ्या वंदे भारत ट्रेनचे स्वागत सिंधुदुर्ग जिल्हा भाजपच्या वतीने दुपारी साडे बारा वाजता कणकवली रेल्वे स्थानकावर केले जाणार आहे. यासाठी सिंधुदुर्गवासीय तसेच भाजप पदाधिकारी कार्यकर्त्यांनी उपस्थित राहण्याचे आवाहन भाजप जिल्हा सरचिटणीस मनोज रावराणे यांनी केले आहे.
जाणून घ्या तिथी, वेळ आणि महत्त्व मुंबई : चैत्र महिन्याच्या कृष्ण पक्षात येणाऱ्या अमावस्येला चैत्र…
हल्लेखोर घटनास्थळावरुन पसार शिर्डी : लोकसभा निवडणुकीच्या (Loksabha Election) पार्श्वभूमीवर राज्यात अनेक मोठ्या घडामोडी घडत…
जाणून घ्या कोणत्या राज्यात किती टक्के मतदान मुंबई : लोकसभा निवडणुकीसाठी (Loksabha Election 2024) आज…
पवार विरुद्ध पवार सामन्यात कोणता नवा ट्विस्ट? मुंबई : लोकसभा निवडणुकीसाठी (Lok Sabha Election) आज…
शुभ दिवशी सोने खरेदीवर मिळणार 'ही' विशेष सवलत मुंबई : साडेतीन मुहूर्तांपैकी एक मानल्या जाणाऱ्या…
पालघरमध्ये उमेदवारी न मिळाल्याने होती नाराजी मुंबई : महायुतीमध्ये (Mahayuti) पालघर लोकसभेची (Palghar Loksabha) जागा…