बांकीपूर : बिहारमधील बांकीपूर विधानसभा मतदारसंघाच्या पोटनिवडणुकीचा निकाल जाहीर झाला आहे. या पोटनिवडणुकीत जन सुराज पार्टीचे संस्थापक अध्यक्ष प्रशांत किशोर यांचा विजय झाला आहे. भाजपचे नीरज कुमार या पोटनिवडणुकीत सर्वाधिक मते मिळवणाऱ्या उमेदवाऱ्यांच्या यादीत दुसऱ्या स्थानी आहेत. प्रशांत किशोर यांना ६४ हजार १५१ मते मिळाली तर नीरज कुमार यांना ४४ हजार ८२७ मते मिळाली. पोटनिवडणुकीत प्रशांत किशोर यांचा १९ हजार ३२४ मतांनी विजय झाला आहे. राष्ट्रीय जनता दलाच्या रेखा कुमारी यांना पोटनिवडणुकीत १४ हजार २७३ मते मिळाली.
नवी दिल्ली : संसदेच्या पावसाळी अधिवेशनाच्या तिसऱ्या आठवड्याचे कामकाज सोमवार ३ ऑगस्टपासून सुरू झाले आहे. निवडक महत्त्वाच्या विधेयकांवर संसदेत चर्चा ...
बांकीपूर हा विधानसभा मतदारसंघ पाटणा शहरात आहे. अनेक वर्षांपासून हा मतदारसंघ भाजपची हक्काची जागा म्हणून ओळखला जात होता. याच मतदारसंघातून नितीन नवीन आमदार झाले होते. पण भाजपच्या राष्ट्रीय अध्यक्षपदी एकमताने निवड झाल्यानंतर त्यांनी संघटनेच्या कामासाठी आमदारकीचा राजीनामा दिला. यामुळेच बांकीपूरमध्ये पोटनिवडणूक झाली. भाजपने या पोटनिवडणुकीसाठी पक्षाचा कार्यकर्ता असलेल्या नीरज कुमार यांना उमेदवारी दिली तर जन सुराज पार्टीकडून स्वतः प्रशांत किशोर रिंगणात उतरले होते. यामुळे पोटनिवडणुकीत नीरज कुमार आणि प्रशांत किशोर यांच्यात चुरस होईल असे चित्र निर्माण झाले होते. प्रत्यक्षात मतमोजणीवेळी सुरुवातीपासूनच प्रशांत किशोर आघाडीवर दिसत होते. हळू हळू आघाडी वाढवत प्रशांत किशोर यांनी पोटनिवडणूक जिंकली.
- केंद्रीय निवडणूक आयोगाचे सुनेत्रा पवारांना पत्र; वैध प्रस्ताव अथवा ठराव अद्याप प्राप्त नाहीत मुंबई : राष्ट्रवादी काँग्रेस पक्षाच्या घटनेमध्ये ...
लोकसभेच्या २०१४ च्या निवडणुकीत भाजपचे निवडणूक सल्लागार म्हणून काम केलेल्या प्रशांत किशोर यांनी २०२६ मध्ये भाजप विरोधात बिहारमध्ये निवडणूक रिंगणात उतरून विजय मिळवला. यामुळे राजकीय अभ्यासक या विजयाला विशेष महत्त्व देत आहे. प्रशांत किशोर यांच्या विजयामुळे बिहारच्या विधानसभेत तेजस्वी यादव यांच्या व्यतिरिक्त आणखी एक प्रभावी नेता दिसणार आहे. याचा राजकीय परिणाम काय असेल यावरून चर्चेला उधाण आले आहे.
सिंधुदुर्ग : "चंद्रकांतदादा पाटील हे खऱ्या अर्थाने संस्कारमय आणि आदर्श व्यक्तिमत्त्व असून त्यांनी आयुष्यभर समाजातील शेवटच्या घटकाच्या कल्याणासाठी ...
दतियाच्या विधानसभा पोटनिवडणुकीत काँग्रेसचा विजय
मध्य प्रदेशमधील दतिया विधानसभा मतदारसंघाच्या पोटनिवडणुकीत काँग्रेसच्या घनश्याम सिंह यांचा विजय झाला आहे. त्यांना ६६ हजार ७५७ मते मिळाली. भाजपच्या आशुतोष तिवारी यांना ६० हजार ७४१ मते मिळाली.
मांजलपुरच्या विधानसभा पोटनिवडणुकीत भाजपचा विजय
गुजरातमधील मांजलपुर विधानसभा मतदारसंघाच्या पोटनिवडणुकीत भाजपच्या सतेंद्रभाई पटेल यांचा विजय झाला. त्यांनी काँग्रेसच्या भीखाभाई रबाडींचा ३० हजार ६३० मतांनी पराभव केला.
