Nashik Kumbh Mela : आगामी सिंहस्थ कुंभमेळ्याच्या पार्श्वभूमीवर नाशिक महापालिकेचा अग्निशमन विभाग (Nashik Municipal Corporation's Fire Department) अधिक सक्षम आणि सज्ज होणार आहे. आपत्कालीन परिस्थितींना जलद प्रतिसाद देण्यासाठी विभागाच्या ताफ्यात १२ अत्याधुनिक अग्निशमन वाहनांची भर पडणार असून त्यासाठी १८ कोटी ३० लाख रुपयांचा खर्च करण्यात येणार आहे. महापालिकेने पुण्यातील हायटेक कंपनीकडून या वाहनांची खरेदी करण्याचा निर्णय घेतला आहे. सर्व वाहने ऑक्टोबर महिन्यापर्यंत नाशिकमध्ये दाखल होण्याची अपेक्षा आहे. सध्या विभागाकडे ३७ वाहने असून त्यापैकी १५ वाहने कालबाह्य झाल्याने नवीन वाहनांची गरज निर्माण झाली होती.
Kalpana Kharat : शिर्डी येथील भूखंड बळकावल्याच्या कथित प्रकरणात अटकपूर्व जामीन अर्ज उच्च न्यायालयाने फेटाळल्यानंतर भोंदू म्हणून चर्चेत असलेल्या अशोक खरात ...
सिंहस्थ काळात लाखो भाविक नाशिकमध्ये दाखल होणार असल्याने सुरक्षा आणि आपत्कालीन व्यवस्थापनाला विशेष महत्त्व प्राप्त झाले आहे. याच अनुषंगाने अग्निशमन विभागाने आधुनिक तंत्रज्ञानाने सज्ज अशी नऊ मोठी अग्निशमन वाहने आणि तीन रॅपिड इंटरव्हेन्शन व्हेईकल (आरआयव्ही) खरेदी करण्याचे नियोजन केले आहे.शहराचा वाढता विस्तार, नव्याने विकसित होणारे निवासी व व्यावसायिक भाग आणि वाढत्या आपत्कालीन घटनांच्या पार्श्वभूमीवर ही वाहने महत्त्वाची भूमिका बजावतील. नव्या वाहनांमुळे घटनास्थळी कमी वेळेत पोहोचणे शक्य होणार असून बचावकार्य अधिक परिणामकारक होईल. परिणामी जीवित व वित्तहानी टाळण्यास मोठी मदत मिळणार आहे.
शिवसेना प्रमुख एकनाथ शिंदे यांनी दाखविला विश्वास मुंबई, शिवसेनाप्रमुख स्व. बाळासाहेब ठाकरे(Balasaheb thakre) आणि शिवसेना पक्षाच्या विचारधारेवर निष्ठा ठेवून ...
आगींवर त्वरित नियंत्रणासाठी आरआयव्ही उपयुक्त
नाशिकमधील अनेक अरुंद रस्ते, गल्ल्या आणि दाट लोकवस्तीच्या भागांत मोठ्या अग्निशमन वाहनांना पोहोचताना अडचणी येतात. त्यामुळे आग नियंत्रणात आणण्यास विलंब होण्याची शक्यता असते. नव्याने दाखल होणारी तीन रॅपिड इंटरव्हेन्शन व्हेईकल अशा ठिकाणी जलदगतीने पोहोचून तातडीची मदत आणि आग नियंत्रणाचे काम प्रभावीपणे करू शकणार आहेत.
Nashik Crime News : गेल्या काही दिवसांपासून नाशिकमध्ये गुन्हेगारीच्या घटनांमध्ये वाढ होत असल्याचे दिसून येत आहे. तपोवन (Tapovan) येथे सुटकेसमधील आढळलेला महिलेचा ...
ऑक्टोबरपर्यंत सर्व वाहने ताफ्यात दाखल होतील
सिंहस्थाच्या पार्श्वभूमीवर अग्निशमन विभागाची कार्यक्षमता वाढवण्यासाठी १२ अत्याधुनिक वाहनांची खरेदी केली जात आहे. ऑक्टोबरपर्यंत ही सर्व वाहने ताफ्यात दाखल होतील. भविष्यातील आपत्कालीन परिस्थितींमध्येही त्यांचा मोठा उपयोग होणार आहे." संजय बैरागी, अग्निशमन अधिकारी, मनपा
