सुषमा अंधारेंकडून ठाकरेंच्या चुकीची कबुली; बंडखोर खासदारांचे पत्र आधीच पोहोचल्याने उबाठाची मोठी नाचक्की
मुंबई : उबाठा गटाचे ६ खासदार फुटल्यामुळे आधीच 'मातोश्री'वर मोठे संकट कोसळले असताना, पक्षात समन्वयाचा पुरता अभाव असल्याचे समोर आले आहे. बंडखोर खासदारांना रोखण्यासाठी उबाठा गटाने जारी केलेला 'व्हीप' (पक्षादेश) कायदेशीररीत्या अवैध आणि अयोग्य ठरला असून, उबाठाच्या उपनेत्या सुषमा अंधारे यांनीच जाहीरपणे या घोडचुकीची कबुली दिली आहे.
लखनऊ : भारत आणि अफगाणिस्तान यांच्यात लखनऊच्या एकाना स्टेडियमवर खेळल्या जात असलेल्या दुसऱ्या वनडे सामन्यात भारतीय फलंदाजांनी धावांचा पाऊस पाडला. ...
पुण्यात घेतलेल्या पत्रकार परिषदेत बोलताना अंधारे यांनी उबाठा पक्षाची मोठी नाचक्की केली. बंडखोर खासदारांचे अधिकृत पत्र कालच (मंगळवारी) लोकसभा अध्यक्ष ओम बिर्ला यांच्यापर्यंत पोहोचले होते. तरीही उबाठा पक्षाने आज उशिरा व्हीप बजावला, त्यामुळे तांत्रिक आणि कायदेशीर पातळीवर आमचा हा व्हीप पूर्णपणे चुकीचा आणि निकालात निघणारा ठरला आहे, अशी उद्विग्न कबुली अंधारे यांनी दिली.दिल्लीत झालेल्या या बंडानंतर उबाठा गटाने गुरुवारी सकाळी ११ वाजता आपल्या संसदीय कार्यालयात सर्व खासदारांची तातडीची बैठक बोलावली आहे. या बैठकीला सर्व खासदारांनी उपस्थित राहावे, यासाठी उबाठा पक्षाने व्हीप जारी केला. मात्र, बंडखोरांनी कालच (मंगळवारी) स्वतंत्र गटाची कायदेशीर प्रक्रिया पूर्ण केल्यामुळे या व्हीपला कायद्याच्या दृष्टीने कवडीचीही किंमत उरलेली नाही. पक्षनेते अजूनही कायदेशीर कारवाईच्या बाता मारत असताना, सुषमा अंधारे यांनी मात्र पक्षनेतृत्वाच्या संथ कारभाराचा फुगा जाहीरपणे फोडला आहे.
