MANCHAR PUNE: 'मला पोहता येते' असा आत्मविश्वास बाळगून डिंभे धरणाच्या (हुतात्मा बाबू गेनू जलाशय) डाव्या कालव्यात उडी मारलेल्या १५ वर्षीय प्रज्वल बाळासाहेब चासकर या मुलाचा बुडून मृत्यू झाला. तब्बल १६ तासांच्या शोधमोहिमेनंतर त्याचा मृतदेह घटनेपासून सहा किलोमीटर अंतरावर असलेल्या भेकेमळा टाकेवाडी येथे सापडला. कुटुंबातील एकुलता एक असलेल्या प्रज्वलच्या निधनाने महाळुंगे पडवळ गावात शोककळा पसरली आहे.
Whatsapp New Features : आजच्या डिजिटल युगात व्हॉट्सॲप हे केवळ संवादाचे साधन राहिले नसून ती आपली एक गरज बनली आहे. मात्र, याच लोकप्रियतेचा फायदा घेऊन सायबर गुन्हेगारही ...
नेमकी घटना काय?
शनिवारी दुपारी प्रज्वल आपल्या चार मित्रांसोबत डिंभे धरणाच्या डाव्या कालव्यावर पोहण्यासाठी गेला होता. पोहण्याचा आत्मविश्वास असल्याने प्रज्वलने कालव्यात उडी घेतली, मात्र पाण्याचा वेग आणि खोलीचा अंदाज न आल्याने तो दोन वेळा बुडाला आणि पाण्याच्या प्रवाहात वाहून गेला. त्याच्या मित्रांनी आरडाओरडा करून मदत मिळवण्याचा प्रयत्न केला, मात्र प्रज्वलला वाचवता आले नाही.
नवी मुंबई : नवी मुंबईतील (Navi Mumbai) अटल सेतू पुलावरून (Atal Setu Bridge) एका २८ वर्षीय तरुणाने समुद्रात उडी मारल्याची धक्कादायक घटना समोर आली आहे. या घटनेनंतर पोलीस, ...
१६ तासांचे थरारक शोधकार्य
घटनेची माहिती मिळताच शोधमोहीम राबवण्यात आली. कालव्यातील पाणी ३० टक्क्यांनी कमी करण्यात आले, परंतु अंधारामुळे रात्री शोधकार्य थांबवावे लागले. रविवारी सकाळी पुन्हा शोध सुरू असताना, टाकेवाडी गावच्या हद्दीत प्रज्वलचा मृतदेह वाहत असल्याचे त्याच्या मामांना (जालिंदर पडवळ) दिसून आले. नातेवाईकांच्या मदतीने मृतदेह बाहेर काढण्यात आला आणि मंचर उपजिल्हा रुग्णालयात शवविच्छेदन करून महाळुंगे येथे अंत्यसंस्कार करण्यात आले.
हृदयद्रावक पार्श्वभूमी: नवसाने झालेला पुत्र हरपला
प्रज्वलच्या निधनाने एक हसते-खेळते कुटुंब उद्ध्वस्त झाले आहे. १५ वर्षांच्या प्रतीक्षेनंतर आणि नवसाने प्रज्वलचा जन्म झाला होता, त्यामुळे तो आई-वडिलांचा डोळ्यातील तारा होता. नुकताच नववीची परीक्षा उत्तीर्ण झालेला प्रज्वल अभ्यासात हुशार व गुणी होता. शेतकरी असलेल्या त्याच्या पालकांवर दुःखाचा डोंगर कोसळला आहे.
