अकोला : दारूच्या नशेत वाघापूर येथील एका तरुणाने चक्क पोलिसांना फोन केला आणि खोटी माहिती दिल्याचा प्रकार समोर आला आहे. अकोला तालुक्यातील वाघापूर येथील एका तरुणाने दारूच्या नशेत रात्रीच्या वेळी ११२ डायल नंबरला कॉल करून खोटी माहिती देऊन पोलीसांची दिशाभूल केली. याप्रकरणी रोहिदास गोरक्षनाथ बर्डे (वय ३६) याचे विरुद्ध बी.एन.एस २१२ व मु.प्रोव्ही ऍक्ट ८५ (१) प्रमाणे गुन्हा दाखल करण्यात आला आहे.
मिळालेल्या माहितीनुसार, पो.कॉ. मनोहर अशोक मोरे हे अकोले पोलिस स्टेशनला (Akole Police Station) १५ मे रोजी ड्युटीवर असताना रात्री ९.२६ वा वाघापूर येथील रोहिदास गोरक्षनाथ बर्डे याचा MDT वर कॉल आला, त्याला त्याची पत्नी व मेव्हणे मारहाण करून शिवीगाळ करत आहे. याची तात्काळ दखल घेत पो.कॉ मोरे यांनी बर्डे यांना कॉल केला असता जोराने आरडा ओरड करत मी सहा महिन्यापूर्वी माझ्या बायको विरुद्ध तक्रार दिली होती. त्याचे काय झाले असे विचारू लागल्याने त्यांना मोरे यांनी तुमचा तपास पो.हे कॉ. देशमुख याचे कडे आहे त्यांना विचारा नाही तर त्याना तुम्हाला कॉल करण्यास सांगतो असे समजावून सांगितले.
Nashik News : समृद्धी महामार्गावर बर्निंग कारचा थरार पहायला मिळाला आहे. सिन्नरहून शिर्डीकडे (Sinnar to Shirdi) जाणाऱ्या टाटा नेक्सन इव्ही कारला (EV Car) अचानक आग लागल्याची ...
मात्र सदर व्यक्ती ऐकण्याच्या मनस्थितीत नसल्याने तसे अहिल्यानगर ११२ कंट्रोलला कळवून कॉल केला. त्यानंतर सदर इसम बर्डे हा वारंवार कॉल करत होता. सारखे कॉल करत असल्याने रात्री १:२५ वा पो.स.ई. घोडे, पो. कॉ. गोरे यांना घेऊन मोरे शासकीय वाहनाने वाघापूर गावात गेले. तेथे रोहीदास गोरक्षनाथ बर्डे हा मारुती मंदिराचे पाठीमागे उभा होता. त्याने पोलिसांना पाहताच आरडा ओरड करुन मी फाशी घेईन अशी धमकी देत होता. यावेळी पोलिसांनी स्थानिक लोकांसह पंचनामा करून त्याला ताब्यात घेऊन पोलीसांनी (Akole Police Station) अकोले येथे आणले.
ग्रामीण रुग्णालयात त्याची वैद्यकीय तपासणी केली असता तो अमली पदार्थचे सेवन करत असल्याचा अहवाल वैद्यकीय अधिकाऱ्यांनी दिला. यावरून त्याने सर्व केलेले कॉल खोटे असून दारूच्या नशेत ११२ वर वारंवार कॉल पोलीस प्रशासनाला त्रास देण्याचे उद्देशाने केले असल्याचे निष्पन्न झाले. याप्रकरणी अकोले पोलिसात पो.कॉ. मनोहर अशोक मोरे यांचे फिर्याद वरून दारू पिऊन रात्रीच्या वेळी ११२ डायल नंबरला कॉल करून खोटी माहिती देऊन पोलीसांची दिशाभूल केल्याप्रकारणी रोहिदास गोरक्षनाथ बर्डे याचे विरुद्ध अकोले पोलिसात गुन्हा दाखल करण्यात आला आहे. पुढील तपास पोलीस निरीक्षक मोहन बोरसे यांच्या मार्गदर्शनाखाली त्यांचे सहकारी करत आहेत.
