मुंबई : वांद्रे कुर्ला संकुल (बीकेसी) मध्ये व्यावसायिक जागेची मागणी प्रचंड वाढत असताना, बीएसईने मुंबईत विस्तार करण्यासाठी बीकेसी येथे भूखंडाबाबत एमएमआरडीएकडे विचारणा केली आहे. बीएसईचे व्यवस्थापकीय संचालक आणि सीईओ सुंदररामन राममूर्ती यांनी मुख्य नियामक अधिकारी कमला कंथाराज यांच्यासह डॉ. संजय मुखर्जी,भा. प्र. से., महानगर आयुक्त, एमएमआरडीए यांची भेट घेऊन या संदर्भात सविस्तर चर्चा केली. नॅशनल स्टॉक एक्सचेंज ऑफ इंडियाने बीकेसी परिसरात नुकत्याच केलेल्या विस्तारापाठोपाठ ही घडामोड झाली आहे. बीकेसीचे भारतातील अग्रगण्य वित्तीय व व्यापारी केंद्र म्हणून स्थान अधिक बळकट झाले आहे.
गेल्या काही वर्षांत,आघाडीच्या वित्तीय संस्था, बहुराष्ट्रीय कंपन्या आणि जागतिक गुंतवणूक संस्थांनी बीकेसीला प्राधान्य दिले आहे, जे बीकेसीचे मोक्याचे ठिकाण, दर्जेदार पायाभूत सुविधा आणि भारताच्या आघाडीचे आर्थिक परिसंस्थेचे केंद्र म्हणून शिक्कामोर्तब करते. अशा धोरणात्मक गुंतवणुकीच्या माध्यमातून मुंबईत जागतिक दर्जाच्या वाणिज्य पायाभूत सुविधांच्या विकसित करण्यावर एमएमआरडीएचा विशेष भर आहे. बीएसईच्या मागणीच्या अनुसरून योग्य भूखंड शोधून त्याच्या वाटपाची प्रक्रियेला अंतिम रूप देण्यासाठी एमएमआरडीए बीएसई सोबत काम करण्यास उत्सुक आहे.
