प्रतिनिधी:कर निर्धारण वर्ष (Income Tax Assesment Year) २०२५-२६ साठी आतापर्यंत सहा कोटींहून अधिक आयकर विवरणपत्रे (ITR Filings) दाखल करण्यात आली आहेत असे नेमक्या शब्दात आयकर विभागाने आज सांगितले आहे. दंडाशिवाय आ यटीआर दाखल करण्याची शेवटची मुदत १५ सप्टेंबर आहे. 'आतापर्यंत आणि अजूनही ६ कोटी आयकर विवरणपत्रे (आयटीआर) चा टप्पा गाठण्यात आम्हाला मदत केल्याबद्दल करदात्यांना आणि कर व्यावसायिकांचे आभार' असे आयकर विभागाने एक्सवरील आपल्या पोस्टमध्ये म्हटले आहे.करदात्यांना आयटीआर दाखल करणे, कर भरणे आणि इतर संबंधित सेवांमध्ये मदत करण्यासाठी, आमचे हेल्पडेस्क २४x७ कार्यरत आहे आणि विभाग कॉल, लाईव्ह चॅट, वेबएक्स सत्रे आणि ट्विटर/एक्स द्वारे मदत पुरवत आहे, असेही पुढे त्यात म्हटले आहे.
ज्या करदात्यांनी मूल्यांकन वर्ष (Valuation Year) २०२५-२६ साठी आयटीआर दाखल केला नाही त्यांना शेवटच्या क्षणी होणारी गर्दी टाळण्यासाठी लवकरात लवकर आयटीआर दाखल करण्यास आयकर विभागाने सांगितले.आयकर विभागाने मे महिन्यात अ शा व्यक्ती, एचयूएफ (Hindu Undivided Family) आणि संस्थांना त्यांच्या खात्यांचे ऑडिट करण्याची आवश्यकता नसलेल्या व्यक्ती, एचयूएफ आणि संस्थांसाठी कर असेसमेंट (निर्धारण) वर्ष २०२५-२६ (आर्थिक वर्ष २०२४-२५ मध्ये मिळवलेल्या उत्पन्नासाठी ) साठी आयटीआर दाखल करण्याची अंतिम मुदत ३१ जुलै ते १५ सप्टेंबरपर्यंत वाढवण्याची घोषणा केली आहे.
आयकर रिटर्न (आयटीआर) फॉर्ममधील 'स्ट्रक्चरल आणि कंटेंट रिव्हिजन' मुळे ही मुदतवाढ देण्यात आली, जी एप्रिलच्या अखेरीस आणि मेच्या सुरुवातीला अधिसूचित करण्यात आली होती. २०२५-२६ मूल्यांकन वर्षासाठी आयटीआर फॉर्ममध्ये केलेल्या बदलां साठी आयटीआर फाइलिंग युटिलिटीज आणि बॅक-एंड सिस्टममध्ये देखील बदल करण्याची आवश्यकता आहे.गेल्या काही वर्षांत आयटीआर फाइलिंगमध्ये सातत्याने वाढ झाली आहे जी वाढती अनुपालन (Compliance) आणि कर जनजागृतीचा विस्ताराचे प्र तिबिंब आहे. २०२४-२५ मूल्यांकन वर्षासाठी ३१ जुलै २०२४ पर्यंत विक्रमी ७.२८ कोटी आयटीआर दाखल करण्यात आले, जे २०२३-२४ मूल्यांकन वर्षातील ६.७७ कोटी होते, इयर ऑन इयर बेसिसवर आयटीआर फायलिंगमध्ये गेल्या वर्षीतील तुलनेत ७.५% वाढ नोंदवते.
