मुंबई : भारत आणि इंग्लंड यांच्यात झालेल्या तीन सामन्यांच्या एकदिवसीय मालिकेनंतर आंतरराष्ट्रीय क्रिकेट परिषेदने बुधवारी २२ जुलै २०२६ रोजी एकदिवसीय फलंदाजांची ताजी क्रमवारी जाहीर केली आहे. यात न्यूझीलंडचा डॅरिल मिचेल अव्वल स्थानावर आहे, मात्र नुकत्याच झालेल्या भारत-इंग्लंड मालिकेमुळे त्याचे अव्वल स्थान धोक्यात आले होते. (ICC Ranking )

https://prahaar.in/2026/07/22/rohit-sharma-ravi-shastri-with-his-innings-rohit-has-effectively-slapped-his-critics-across-the-face-ravi-shastris-forthright-reaction-after-the-century-at-lords/

या मालिकेपूर्वी शुभमन गिल क्रमवारीत दुसऱ्या स्थानावर होता. त्याने इंग्लंडविरुद्ध झालेल्या मालिकेत तीन सामन्यांमध्ये १८८ धावा केल्या. मात्र, फक्त एक रेटिंग पॉइंटने त्याचे अव्वल स्थान हुकले आहे. गिलचे एकूण रेटिंग पॉइंट्स ८०१ आहेत, तर डॅरिल मिचेल ८०२ पॉइंट्ससह अव्वल स्थानावर आहे.

https://prahaar.in/2026/07/22/share-market-stock-market-in-chaos-sensex-falls-by-800-points-investors-lose-rs-4-lakh-crore/

या क्रमवारीत विराट तिसऱ्या स्थानावर आहे. त्याचे रेटिंग पॉइंट्स ७६७ आहेत, तर रोहित ७५८ रेटिंग पॉइंट्ससह चौथ्या स्थानावर आहे. तसेच इंग्लंडचा फलंदाज जो रूटने टॉप-१० मध्ये पुनरागमन केले आहे. भारताविरुद्धच्या तीनही सामन्यांत तो बाद झाला नाही. त्याने भारताविरुद्धच्या वनडे मालिकेत सर्वाधिक २४९ धावा केल्या. यामुळेच त्याला क्रमवारीत मोठा फायदा झाला असून, थेट चार स्थानांची झेप घेत त्याने टॉप-१० मध्ये प्रवेश केला आहे. बेन डकेट (११ स्थानांनी वर चढून संयुक्तपणे १९ व्या स्थानावर) आणि जेकब बेथेल (पाच स्थानांनी वर चढून ६४ व्या स्थानावर) यांनी वनडे फलंदाजांच्या यादीत प्रगती केली आहे. तसेच वेस्ट इंडिजविरुद्ध लक्षवेधी कामगिरी करणाऱ्या न्यूझीलंडच्या मायकल ब्रेसवेल (सहा स्थानांनी वर चढून ५४ व्या स्थानावर) आणि मार्क चॅपमन (१० स्थानांनी वर चढून ६३ व्या स्थानावर) या दोघांनाही फलंदाजी क्रमवारीत मोठा फायदा झाला आहे. (ICC Ranking )

https://prahaar.in/2026/07/22/kuldeep-yadav-no-spot-in-the-indian-team-kuldeep-finally-makes-a-major-decision-he-will-now-play-for-this-country/

गोलंदाजीच्या क्रमवारीत अफगाणिस्तानच्या राशिद खानने आपले अव्वल स्थान कायम राखले आहे. इंग्लंडचा स्टार गोलंदाज जोफ्रा आर्चरने या मालिकेत चांगली गोलंदाजी करत क्रमवारीत एक स्थान वरची झेप घेतली आहे. तो सध्या तिसऱ्या स्थानावर आहे. या क्रमवारीत भारताचा एकही गोलंदाज नाही. अष्टपैलूंच्या क्रमवारीत अफगाणिस्तानचा अझमतुल्लाह ओमरजाई पहिल्या स्थानावर आहे, तर बांगलादेशचा मेहेदी हसन मिराज दुसऱ्या स्थानी आहे. या यादीत भारताकडून अक्षर पटेल नवव्या स्थानावर आहे.