मुंबई (विशेष प्रतिनिधी)
मुंबईला रविवारी मध्यरात्रीपासून मुसळधार पाऊस कोसळून मुंबईतील मुलुंड,भांडुप, घाटकोपर,मालाड तसेच अंधेरी आदी भागांमध्ये पाणी साचण्याचे प्रकार घडले. मात्र, मध्यरात्रीपासून हजेरी असल्यामुळे सकाळी सकाळी ठिकठिकाणी असलेल्या पाण्याचा निचरा योग्यप्रकारे झाला. यासाठी पंपा चालवण्यात आले. त्यामुळे मुसळधार पाऊस पडून पाणी साचल्यानंतरही कोणताही परिणाम मुंबईच्या कारभारावर दिसून आला नाही. (Mumbai Rain)
मुंबईत सोमवारी कुलाबा वेधशाळेच्या नोंदीनुसार ३०.४मि.मी आणि सांताक्रुझ वेधशाळेच्या नोंदीनुार १०३ मि.मी एवढा पाऊस पडला गेला आहे. आतापर्यंत संपूर्ण मुंबईतील शहर भागांमध्ये ४०९ मि.मी आणि उपनगरांत ३८८ मि.मी एवढा एकूण पाऊस झाला आहे. त्यामुळे आतापर्यंत शहरांत २७.९३ टक्के आणि उपनगरांत २२.०१ टक्के एवढा पाऊस पडला आहे. (Mumbai Rain)
शहर : ३७.५० मि.मी
पूर्व उपनगरे : ११३.२७ मि.मी
पश्चिम उपनगरे : ८४.२७ मि.मी (Mumbai Rain)
https://prahaar.in/2026/06/30/house-to-house-visit-between-june-30-and-july-29-2026-under-the-special-intensive-revision-of-electoral-rolls-2026/
कोणत्या भागात रविवारी मध्यरात्रीपासून साचले होते पाणी :
पूर्व उपनगरात मुलुंड, भांडुप, घाटकोपर, पश्चिम उपनगरांत मालाड पूर्व, मालाड पश्चिम मालवणी, अंधेरी पश्चिम.. या भागांमध्ये पाणी साचण्याच्या तक्रारी नोंदवण्यात आल्या होत्या. (Mumbai Rain)
मंगळवारी भरती आहोटीची स्थिती :
भरती : दुपारी १२़ ३५ ( ४.१६ मीटर)
ओहोटी : सायंकाळी ६.४४ वा.(२.०१ मीटर)
तब्बल १६ ठिकाणी शॉर्टसर्कींट :
मध्यरात्रीपासून पडलेल्या पावसामुळे शहरात ०९ ठिकाणी तर पूर्व उपनगरात ०२ आणि पश्चिम उपनगरात ०५ अशाप्रकारे एकूण १६ ठिकाणी शॉर्टसर्कीटच्या घटना घडल्या गेल्या. तर मुंबईल एकूण ३७ ठिकाण झाडांच्या फांद्या तुटून पडणे तथा उन्मळून पडण्याच्या घडल्या. यामध्ये शहरात पाच, पूर्व उपनगरांत १२ आणि पश्चिम उपनगरांत १७ ठिकाणी अशाप्रकारे झाडे पडून दुघर्टना घडल्या. (Mumbai Rain)
https://prahaar.in/2026/06/29/weather-department-issues-red-alert-warning-of-heavy-rainfall-for-mumbai-and-the-konkan-coast/
सर्वांधिक पाऊस कोणत्या भागांमध्ये :
वडाळा,माटुंगा: ६१ मि.मी
शीव रावळी कॅम्प : ५३ मि.मी
मलबार हिल : ४५ मि.मी
भायखळा : ४३ मि.मी
मुलुंड विणा नगर : २१० मि.मी
मुलुंड गवाणपाडा : १६७ मि.मी
मुुलुंड गुरु गोविंद मार्ग : १६४ मि.मी
मुलुंड मिठानगर : १५८ मि.मी
मुलुंड : १५७ मि.मी
वर्सोवा : १६७ मि.मी
गोरेगाव : १२९ मि.मी
वर्सोवा पंपिंग स्टेशन : १२७ मि.मी
ओशिवरा नगर प्रतीक्षा नगर : १२४ मि.मी
मरोळ : १२२ मि.मी