– २० जूनला खात्यात येणार २,००० रुपये

मुंबई : प्रधानमंत्री किसान सन्मान निधी (PM Kisan) योजनेच्या लाभार्थी शेतकऱ्यांसाठी महत्त्वाची बातमी आहे. केंद्र सरकार २० जून रोजी योजनेचा २३ वा हप्ता पात्र शेतकऱ्यांच्या बँक खात्यात जमा करणार आहे. मात्र, काही आवश्यक अटी पूर्ण न केल्यास अनेक शेतकऱ्यांचा २,००० रुपयांचा हप्ता अडकण्याची शक्यता आहे. देशभरातील कोट्यवधी शेतकरी या हप्त्याची वाट पाहत असताना, आपले नाव लाभार्थी यादीत आहे की नाही आणि सर्व कागदपत्रांची पूर्तता झाली आहे का, हे तपासणे अत्यंत आवश्यक आहे. (PM Kisan Yojana)

या ३ कारणांमुळे अडकू शकतो हप्ता :

1. ई-केवायसी (e-KYC) पूर्ण नसणे

पीएम किसान योजनेच्या सर्व लाभार्थ्यांसाठी ई-केवायसी अनिवार्य करण्यात आली आहे. ज्यांनी अद्याप ही प्रक्रिया पूर्ण केलेली नाही, त्यांनी तातडीने पीएम किसान पोर्टल किंवा जवळच्या CSC सेंटरमध्ये जाऊन ई-केवायसी पूर्ण करावी. (PM Kisan Yojana)

https://prahaar.in/2026/06/18/rbi-young-professionals-recruitment-2026-stipend-eligibility-deadline-how-to-apply/

2. जमीन पडताळणी (Land Seeding) अपूर्ण असणे :

शेतकऱ्यांच्या कृषी जमिनीची माहिती अर्जाशी लिंक असणे आवश्यक आहे. लाभार्थी स्टेटसमध्ये ‘Land Seeding’ समोर ‘No’ दिसत असल्यास हप्ता मिळण्यास अडचण येऊ शकते. (PM Kisan Yojana)

3. बँक खाते आधारशी लिंक नसणे :

सरकार DBT (Direct Benefit Transfer) द्वारे थेट बँक खात्यात पैसे जमा करते. त्यामुळे बँक खाते आधारशी लिंक असणे आणि DBT सेवा सक्रिय असणे आवश्यक आहे. (PM Kisan Yojana)

२३ वा हप्ता मिळणार की नाही? असे करा स्टेटस चेक :

– पीएम किसान योजनेच्या अधिकृत वेबसाइटवर जा.
– होमपेजवरील ‘Farmers Corner’ विभागात जा.
– ‘Know Your Status’ या पर्यायावर क्लिक करा.
– तुमचा नोंदणी (Registration) क्रमांक टाका.
– कॅप्चा भरून ‘Get Data’ किंवा ‘Get OTP’ वर क्लिक करा.
– मोबाईलवर आलेला OTP टाकल्यानंतर तुमचे लाभार्थी स्टेटस स्क्रीनवर दिसेल. (PM Kisan Yojana)

यानंतर e-KYC, Eligibility आणि Land Seeding या तीनही पर्यायांसमोर ‘Yes’ दिसत असल्याची खात्री करा. तिन्ही ठिकाणी ‘Yes’ असल्यास २३ वा हप्ता तुमच्या खात्यात जमा होण्याची शक्यता निश्चित आहे. (PM Kisan Yojana)

https://prahaar.in/2026/06/18/crude-oil-prices-impact-of-us-iran-peace-deal-on-the-oil-market-crude-oil-prices-drop-what-are-the-petrol-and-diesel-rates-in-india/

समस्या असल्यास कुठे संपर्क कराल?

जर स्टेटसमध्ये काही त्रुटी दिसत असतील, तर जवळच्या कृषी विभाग कार्यालयाशी संपर्क साधा. तसेच पीएम किसान हेल्पलाइन क्रमांक १५५२६१ वर कॉल करूनही मदत मिळवता येईल. (PM Kisan Yojana)

२० जूनला खात्यात येणार २,००० रुपये : 

प्रधानमंत्री किसान सन्मान निधी योजनेअंतर्गत पात्र शेतकऱ्यांना दरवर्षी ६,००० रुपयांची आर्थिक मदत दिली जाते. ही रक्कम २,००० रुपयांच्या तीन समान हप्त्यांमध्ये थेट बँक खात्यात जमा केली जाते. आतापर्यंत २२ हप्ते वितरित करण्यात आले असून, आता २३ वा हप्ता २० जून रोजी शेतकऱ्यांच्या खात्यात जमा होणार आहे. त्यामुळे हप्ता वेळेवर मिळावा यासाठी शेतकऱ्यांनी त्वरित ई-केवायसी, जमीन पडताळणी आणि बँक खाते तपासून आवश्यक प्रक्रिया पूर्ण करणे गरजेचे आहे. (PM Kisan Yojana)