पुणे : पिंपरी-चिंचवडमधून (Pimpri-Chinchwad) एक धक्कादायक घटना समोर आली आहे. शहरातील दापोडी-फुगेवाडी परिसरातील तब्बल ८ नागरिकांचा एकाच दिवशी संशयास्पद मृत्यू झाल्याने परिसरात खळबळ उडाली आहे. विशेष म्हणजे याच भागातील आणखी दोघांवर सध्या उपचार सुरू असून त्यांची प्रकृती चिंताजनक असल्याची माहिती डॉक्टरांकडून (Doctor) देण्यात आली आहे. त्यामुळे या घटनेमुळे नागरिकांमध्ये भीतीचं वातावरण निर्माण झालं आहे.

एकाचवेळी ८ नागरिकांचा मृत्यू कसा झाला? याबाबत विविध चर्चा सुरू आहेत. मृत झालेल्या सर्व व्यक्ती या एकाच परिसरात (Area) राहणाऱ्या असल्याचं समोर आलं आहे. स्थानिक नागरिकांनी बंदी असलेली हातभट्टीची गावठी दारू प्यायल्याने हा प्रकार घडल्याचा संशय व्यक्त केला आहे. मात्र पोलिसांनी हा आरोप फेटाळून लावला आहे. संबंधित नागरिकांना बेशुद्ध पडणे, चक्कर येणे किंवा फिट येणे अशा स्वरूपाचा त्रास झाल्यामुळे रुग्णालयात दाखल केले होते आणि उपचारादरम्यान त्यांचा मृत्यू झाल्याचे पोलिसांचे म्हणणे आहे.

https://prahaar.in/2026/05/29/pune-polices-big-decision-food-stalls-eateries-closed-after-10-pm/

दरम्यान, दापोडी-फुगेवाडी परिसरातील अवैध दारूविक्रीवर कारवाई का होत नाही? पोलीस (Police) इतके गाफील कसे राहिले? असा संतप्त सवाल राष्ट्रवादीचे नेते आणि माजी महापौर योगेश बहल यांनी उपस्थित केला आहे. या सर्व मृत्यूमागचं नेमकं कारण पोस्टमार्टम रिपोर्ट आल्यानंतरच स्पष्ट होईल, असंही त्यांनी म्हटलं आहे.

अकबर पठाण याला काल रात्री घरात चक्कर आल्याने रुग्णालयात दाखल करण्यात आलं होतं. उपचार सुरू असताना आज त्याचा मृत्यू झाला. अकबरला दारू पिण्याची सवय होती, अशी माहिती पोलिसांनी दिली आहे.

https://prahaar.in/2026/05/29/25000-workers-including-former-mla-vinayakrao-patil-join-shiv-sena/

त्यानंतर राजू प्रकाश राठोड आणि विजय प्रकाश राठोड यांची प्रकृती बिघडल्याची माहिती समोर आली. विजयला कामाच्या ठिकाणी चक्कर आल्याने रुग्णालयात दाखल करण्यात आलं होतं. मात्र उपचारादरम्यान त्याचा मृत्यू झाला. विजयच्या मृत्यूची बातमी समजल्यानंतर राजूला फिट आली. त्यालाही रुग्णालयात दाखल करण्यात आलं, मात्र त्याचाही मृत्यू झाला. राजेश राजपूत याला सकाळी बाथरूममध्ये (Bathroom) चक्कर आली होती. त्यानंतर त्याला उपचारासाठी रुग्णालयात दाखल करण्यात आलं, मात्र उपचारादरम्यान त्याचाही मृत्यू झाला. विशेष म्हणजे राजेश राजपूत, राजू प्रकाश राठोड आणि विजय प्रकाश राठोड यांना दारूचं व्यसन नव्हतं.

https://prahaar.in/2026/05/28/important-news-konkan-railway-monsoon-schedule-announced-big-change-in-travel-from-june-15/

एकाच भागातील नागरिकांचे एकाच दिवशी संशयास्पद मृत्यू (Death) झाल्याने अनेक प्रश्न उपस्थित होत आहेत. या मृत्यूमागे विषारी दारूचं कारण आहे की इतर काही कारणं आहेत? याबाबत अद्याप स्पष्टता आलेली नाही. त्यामुळे पोस्टमार्टम रिपोर्टकडे सर्वांचं लक्ष लागलं आहे.

https://prahaar.in/2026/05/28/will-topple-government-if-it-recognize-israel-lashkar-e-taibas-open-threat-to-pakistan/

मृतांची नावे :

१) पांडुरंग फुगे
२) विजय प्रकाश राठोड
३) राजेंद्र प्रकाश राठोड
४) राजू राजपूत
५) अकबर पठाण
६) बाबा शेख
७) आनंद देसाई
८) आनंद निकाळजे

उपचार घेत असलेल्यांची नावे :

१) सुभाष डिगीकर – मेडी पॉईंट हॉस्पिटल