पुणे : नीट पेपरफुटी प्रकरणामुळे देशभरात चर्चेत आलेले प्राध्यापक शिवराज मोटेगावकर यांच्या पुण्यातील प्रसिद्ध ‘आरसीसी पॅटर्न कोचिंग क्लास’वर पुणे महापालिकेने मोठी कारवाई केली आहे. जंगली महाराज रोडवरील क्लासला बेकायदेशीर वापर आणि तब्बल ३ कोटी २० लाख रुपयांचा मिळकत कर थकीत असल्याच्या कारणावरून महापालिकेने सील ठोकले आहे. (NEET Paper Leak Case)
https://prahaar.in/2026/05/20/encroachment-removal-campaign-outside-bandra-station-municipal-corporation-takes-action-against-unauthorized-mosque/
महापालिकेने दिलेल्या नोटीसमध्ये नमूद करण्यात आले आहे की, शिवाजीनगर येथील सि.स. नं. १२५६/२अ, फा. प्लॉट नं. ६२१/२अ मधील निवासी स्वरूपाच्या जागेत कोणतीही पूर्वपरवानगी न घेता अंतर्गत फेरबदल करण्यात आले होते. त्यानंतर त्या जागेचा वापर कोचिंग क्लाससाठी व्यावसायिक पद्धतीने सुरू करण्यात आला होता.
https://prahaar.in/2026/05/20/online-fraud-the-lure-of-double-returns-in-the-stock-market-a-person-from-alibaug-was-cheated-online-of-rs-66-lakhs/
कारवाईदरम्यान प्रशासनाने क्लासच्या मुख्य दरवाजावर नोटीस चिकटवत दुसऱ्या आणि तिसऱ्या मजल्यावरील सर्व साहित्य हटवण्याचे आदेश दिले. बाकडी, कपाटे, फ्लेक्स आणि इतर शैक्षणिक साहित्य एका महिन्याच्या आत काढून जागा रिकामी करण्याची मुदत देण्यात आली आहे. (NEET Paper Leak Case)
महापालिकेने स्पष्ट इशारा दिला आहे की, दिलेल्या मुदतीत जागा रिकामी न केल्यास पोलिसांच्या मदतीने पुढील कायदेशीर कारवाई करण्यात येईल. तसेच या कारवाईचा संपूर्ण खर्च संबंधितांकडून वसूल केला जाईल. (NEET Paper Leak Case)
https://prahaar.in/2026/05/20/gold-rate-today-gold-price-sees-another-big-jump-increase-of-rs-1310-per-tola-in-a-single-day/
दरम्यान, नीट पेपरफुटी प्रकरणात अटक झालेल्या प्राध्यापक शिवराज मोटेगावकर यांच्या नावामुळे हा क्लास आधीच चर्चेत होता. आता महापालिकेच्या या कारवाईमुळे पुण्यातील शैक्षणिक वर्तुळात मोठी खळबळ उडाली आहे. (NEET Paper Leak Case)