जर तुम्ही नवीन स्मार्टफोन खरेदी करण्याचा विचार करत असाल, तर थोडं थांबा! कारण स्मार्टफोन मार्केटमध्ये लवकरच एक दमदार स्मार्टफोन सीरिज दाखल होणार आहे. प्रसिद्ध स्मार्टफोन ब्रँड Oppo आपल्या नवीन Reno 17 Series च्या लॉन्चसाठी सज्ज झाला आहे. लॉन्च होण्याआधीच या सीरिजची जोरदार चर्चा सुरू झाली आहे.
गेल्या काही दिवसांत Oppo Reno 17 सीरिजबाबत गुगल सर्चमध्ये मोठी वाढ पाहायला मिळाली आहे. गुगल ट्रेंड्सनुसार, या स्मार्टफोनमधील लोकांची आवड मागील तुलनेत तब्बल 450 टक्क्यांपर्यंत वाढल्याची माहिती समोर आली आहे. यामागील मुख्य कारण म्हणजे चीनमध्ये होणारा Oppo चा लॉन्च इव्हेंट. कंपनी 16 नोव्हेंबर 2026 रोजी स्थानिक वेळेनुसार संध्याकाळी 7 वाजता या नवीन सीरिजचे अनावरण करणार आहे. या सीरिजमध्ये Oppo Reno 17 आणि Oppo Reno 17 Pro असे दोन स्मार्टफोन सादर होण्याची शक्यता आहे.
8000mAh पर्यंतची दमदार बॅटरी मिळणार ?
Oppo Reno 17 सीरिजमधील सर्वात आकर्षक फीचर म्हणजे याची मोठी बॅटरी. लीक झालेल्या माहितीनुसार, स्टँडर्ड Reno 17 मध्ये तब्बल 8000mAh क्षमतेची बॅटरी दिली जाऊ शकते. तर Reno 17 Pro मध्ये 7200mAh बॅटरी मिळण्याची शक्यता आहे. विशेष म्हणजे एवढी मोठी बॅटरी असूनही स्मार्टफोनचे डिझाइन स्लिम ठेवण्यावर कंपनीने भर दिल्याचे सांगितले जात आहे. याशिवाय दोन्ही स्मार्टफोनमध्ये 80W SuperVOOC फास्ट चार्जिंग सपोर्ट मिळण्याची शक्यता आहे.
Reno 17 Pro मध्ये 200MP कॅमेरा
कॅमेरा प्रेमींसाठी Oppo Reno 17 Pro खास ठरू शकतो. कारण या स्मार्टफोनमध्ये 200MP चा प्रायमरी कॅमेरा मिळणार असल्याचे कंपनीने टीजरमधून स्पष्ट केले आहे.
यासोबतच स्मार्टफोनमध्ये:
50MP अल्ट्रा-वाइड कॅमेरा
50MP पेरिस्कोप टेलिफोटो कॅमेरा
3.5x ऑप्टिकल झूम सपोर्ट
50MP फ्रंट सेल्फी कॅमेरा
असे दमदार कॅमेरा फीचर्स मिळण्याची शक्यता आहे.
फोटोग्राफीचा अनुभव अधिक चांगला करण्यासाठी कंपनी नवीन सॉफ्टवेअर फीचर्सही देऊ शकते. यामध्ये 6 सेकंदांपर्यंत मोशन फोटो रेकॉर्ड करण्याचा पर्याय मिळण्याची शक्यता आहे.
https://www.prahaar.in/2026/11/16/iphone-18-and-18e-to-feature-exciting-upgrades-a20-chip-powerful-camera-what-will-the-price-be-in-india/
डिस्प्ले आणि प्रोसेसरमध्ये काय असेल खास ?
Oppo Reno 17 आणि Reno 17 Pro या दोन्ही स्मार्टफोनमध्ये डिस्प्ले आणि प्रोसेसरच्या बाबतीत फरक पाहायला मिळू शकतो.
Oppo Reno 17 चे संभाव्य फीचर्स:
6.57 इंच 1.5K फ्लॅट OLED डिस्प्ले
Qualcomm Snapdragon 7 Gen 4 प्रोसेसर
8000mAh बॅटरी
80W फास्ट चार्जिंग
Oppo Reno 17 Pro चे संभाव्य फीचर्स:
6.32 इंच 1.5K AMOLED डिस्प्ले
MediaTek Dimensity 8550 Super चिपसेट
7200mAh बॅटरी
200MP प्रायमरी कॅमेरा
आकर्षक रंगांमध्ये मिळणार स्मार्टफोन
डिझाइनच्या बाबतीतही Oppo नवीन प्रयोग करण्याच्या तयारीत आहे. Reno 17 सीरिजमध्ये First Snow White, Ice Moon White आणि Cocoa Brown असे आकर्षक कलर ऑप्शन्स मिळू शकतात. याशिवाय या सीरिजमध्ये Encounter Cat Edition देखील सादर होण्याची चर्चा आहे. या एडिशनच्या फोनच्या मागील बाजूस 3D कॅट ग्राफिक पाहायला मिळू शकते.
भारतात Oppo Reno 17 Series कधी लॉन्च होणार ?
चीनमधील लॉन्चनंतर भारतीय ग्राहकांनाही या स्मार्टफोन सीरिजची प्रतीक्षा आहे. लीक रिपोर्ट्सनुसार, Oppo Reno 17 सीरिज भारतात डिसेंबर 2026 ते जानेवारी 2027 च्या सुरुवातीच्या काळात लॉन्च होऊ शकते. किंमतीबाबत बोलायचे झाल्यास, स्टँडर्ड मॉडेलची संभाव्य किंमत 50,000 ते 70,000 रुपयांच्या दरम्यान असू शकते. मात्र, कंपनीने अद्याप भारतातील लॉन्च तारीख आणि अधिकृत किंमत जाहीर केलेली नाही.
महत्त्वाचे : वरीलपैकी काही फीचर्स, किंमत आणि भारतातील लॉन्चची माहिती लीक रिपोर्ट्सवर आधारित आहे. अधिकृत माहिती Oppo कडून जाहीर झाल्यानंतरच याबाबत स्पष्टता येईल.