सध्या बॉक्स ऑफिसवर रणबीर कपूर, साई पल्लवी आणि यश यांच्या ‘रामायण’ चित्रपटाची जोरदार चर्चा सुरू आहे. 5 नोव्हेंबर रोजी हा चित्रपट चित्रपटगृहांमध्ये प्रदर्शित झाला. या चित्रपटाच्या कमाईकडे सर्वांचे लक्ष लागले असतानाच दक्षिण भारतीय चित्रपटसृष्टीतील एका चित्रपटाने बॉक्स ऑफिसवर मोठी कामगिरी केली आहे. अभिनेता सूर्याच्या ‘सीन’ या तमिळ चित्रपटाने अवघ्या दोन दिवसांत आपल्या बजेटपेक्षा अधिक कमाई केल्याचा दावा केला जात आहे.(SouthCinema)

या चित्रपटाबद्दल जाणून घ्या

या चित्रपटाचे नाव ‘सीन’ असे आहे. तमिळ चित्रपटसृष्टीतील लोकप्रिय अभिनेता सूर्याने या चित्रपटात काम केले आहे. हा चित्रपट अ‍ॅक्शन, क्राइम आणि कॉमेडी अशा प्रकारातील असल्याचे सांगितले जात आहे. या चित्रपटाचे दिग्दर्शन जीतू माधवन यांनी केले आहे.

https://www.prahaar.in/2026/11/08/salman-khan-gets-emotional-upon-hearing-a-song-from-his-fathers-film-tears-well-up-in-his-eyes-on-the-bigg-boss-stage/

दोन दिवसांत या चित्रपटाने किती केली कमाई?

‘सीन’ हा चित्रपट 6 नोव्हेंबर रोजी चित्रपटगृहांमध्ये प्रदर्शित झाला. सुरवातीचा आकडेवारीनुसार, चित्रपटाने पहिल्या दिवशी 19.15 कोटी रुपयांची कमाई केली. तर दुसऱ्या दिवशी 20.35 कोटी रुपयांचा गल्ला जमवला. अशा प्रकारे पहिल्या दोन दिवसांत चित्रपटाची एकूण कमाई 39.50 कोटी रुपयांवर पोहोचली आहे. विशेष म्हणजे या चित्रपटाचे बजेट जवळपास 30 कोटी रुपये असल्याचे वृत्त आहे. त्यामुळे दोन दिवसांतील कमाईने चित्रपटाच्या बजेटचा आकडा ओलांडला आहे.(BoxOfficeCollection)

https://www.prahaar.in/2026/11/08/ramayana-movie-collection-will-the-%e2%82%b94000-crore-ramayana-film-be-a-box-office-superhit-check-out-its-3-day-earnings/

‘रामायण’सोबत बॉक्स ऑफिसवर टक्कर

रणबीर कपूरचा ‘रामायण’ चित्रपट 5 नोव्हेंबर रोजी प्रदर्शित झाला, तर सूर्याचा ‘सीन’ 6 नोव्हेंबरला प्रेक्षकांच्या भेटीला आला. एका पाठोपाठ एक बॉक्स ऑफिसवर रिलीज झालेल्या ह्या चित्रपटांची चाहत्यांमध्ये जोरदार चर्चा सुरू आहे. ‘रामायण’नेही पहिल्या तीन दिवसांत भारतात 182.70 कोटी रुपयांच्या आसपाची कमाई केल्याचा अंदाज आहे. अशा परिस्थितीत, ‘सीन’सारख्या तुलनेने कमी बजेटच्या चित्रपटाने केलेली कमाई लक्षवेधी ठरत आहे.(SurpriseHit)

दिग्दर्शक कोण आहेत?

‘सीन’ चित्रपटाचे दिग्दर्शन जीतू माधवन यांनी केले आहे. अ‍ॅक्शन, क्राइम आणि कॉमेडी यांचा मिलाफ असलेल्या या चित्रपटाला सुरुवातीच्या दोन दिवसांत चांगला प्रतिसाद मिळाल्याचे बॉक्स ऑफिसच्या आकडेवारीवरून दिसते. 39.50 कोटींची कमाई हा चित्रपटाचा एकूण बॉक्स ऑफिस कलेक्शनचा अंदाज आहे. बजेटपेक्षा कमाई जास्त झाली म्हणजे चित्रपटाला तेवढाच नफा झाला, असे म्हणता येत नाही. थिएटरमधील वाटा आणि इतर खर्चही विचारात घ्यावे लागतात.(LowBudgetMovie)