Mumbai News: रिलायन्स फाऊंडेशनच्या माध्यमातून नीता अंबानी यांनी आणखी एका मोठ्या सामाजिक उपक्रमाची घोषणा केली आहे. मुंबईजवळील कर्जत येथे 100 एकर क्षेत्रावर ‘अनंत आश्रय’ नावाची भव्य निवासी टाऊनशिप उभारण्यात येणार आहे. या प्रकल्पाच्या माध्यमातून अनाथ मुले, ज्येष्ठ नागरिक आणि दिव्यांग व्यक्तींसह 5 हजारांहून अधिक गरजू नागरिकांना आयुष्यभरासाठी निवारा उपलब्ध करून देण्याचे उद्दिष्ट आहे.

https://www.prahaar.in/2026/11/02/saurabh-chandrakar-linked-to-the-mahadev-betting-app-case-has-arrived-in-india-from-oman-the-cbi-has-completed-the-extradition-process/

नीता अंबानी यांच्या हस्ते भूमिपूजन

रिलायन्स फाऊंडेशनच्या संस्थापक आणि अध्यक्षा नीता एम. अंबानी यांच्या पुढाकारातून हा प्रकल्प उभारण्यात येत आहे. रविवारी त्यांच्या हस्ते ‘अनंत आश्रय’ प्रकल्पाचे भूमिपूजन आणि पायाभरणी समारंभ पार पडला. या प्रकल्पाचे काम टप्प्याटप्प्याने पूर्ण केले जाणार आहे.

#WATCH | Karjat, Maharashtra: Nita Ambani, Founder-Chairperson of Reliance Foundation, announced ‘Nita Mukesh Ambani Anant Aashray’ on her birthday today.

Nita M Ambani and Reliance Foundation Director Isha Ambani unveiled the plaque at the Bhumi Pujan and groundbreaking ceremony for ‘Nita Mukesh Ambani Anant Ashray’ at the proposed site in Karjat, near Mumbai

The 100-acre township will provide a lifelong home to 5,000 people, including orphaned children, senior citizens and persons with physical and developmental disabilities

— ANI (@ANI) November 1, 2026

निवासासह आरोग्य आणि शिक्षणाच्या सुविधा

‘अनंत आश्रय’मध्ये केवळ निवासाची सुविधाच नाही, तर नागरिकांच्या दैनंदिन गरजा आणि देखभालीची व्यवस्थाही केली जाणार आहे. येथे विशेष वैद्यकीय उपचार, आरोग्यसेवा, पुनर्वसन, शिक्षण आणि व्यावसायिक कौशल्य प्रशिक्षण अशा विविध सुविधा एकाच ठिकाणी उपलब्ध करून दिल्या जाणार आहेत.

या निवासी संकुलात रहिवाशांसोबतच त्यांच्या देखभालीसाठी कर्मचारी, डॉक्टर, आरोग्यसेवक आणि इतर सहाय्यक कर्मचारीही उपलब्ध असतील. त्यामुळे या प्रकल्पातून सुमारे 15 हजार नागरिकांचा एक मोठा समुदाय निर्माण होण्याची अपेक्षा व्यक्त करण्यात आली आहे.

गरजू नागरिकांना सुरक्षित निवारा, आरोग्यसेवा आणि आवश्यक आधार मिळावा, हा या उपक्रमामागील मुख्य उद्देश आहे. प्रकल्प पूर्ण झाल्यानंतर अनेक नागरिकांना दीर्घकालीन निवास आणि विविध सेवा एकाच ठिकाणी उपलब्ध होणार आहेत.