तेहरान : इराणच्या सत्ताकेंद्रात मोठ्या राजकीय हालचाली सुरू असल्याचे संकेत मिळत आहेत. काही खासदारांनी परराष्ट्र मंत्री अब्बास अराघची यांच्याविरोधात महाभियोग प्रस्ताव आणण्याची तयारी सुरू केली असून, त्याचवेळी राष्ट्राध्यक्ष मसूद पेजेशकियान यांच्या अधिकारांमध्ये मोठी कपात करण्यात आल्याच्या वृत्तामुळे देशातील सत्तासमीकरणांवर प्रश्नचिन्ह निर्माण झाले आहे.

https://prahaar.in/2026/08/04/surging-inflation-in-iran-citizens-surviving-by-selling-blood-hair-and-household-goods/

इराण इंटरनॅशनलच्या अहवालानुसार, ज्येष्ठ खासदार होसैनअली हाजीदेलिगानी यांनी मंगळवारी सांगितले की, “अराघची यांच्याविरोधात महाभियोग प्रस्ताव मांडण्यासाठी आवश्यक पुरावे आणि कागदपत्रे गोळा करण्याचे काम सुरू आहे. योग्य वेळी ही प्रक्रिया औपचारिकपणे सुरू केली जाईल.”

https://prahaar.in/2026/08/04/25-us-states-move-court-against-trumps-new-tariffs-allege-abuse-of-authority/

दरम्यान, इस्रायली अहवालात दावा करण्यात आला आहे की, सर्वोच्च नेते अयातुल्ला अली खामेनेई यांचे पुत्र आणि प्रभावशाली नेते मुजतबा खामेनेई यांनी सुरक्षा व परराष्ट्र धोरणाशी संबंधित महत्त्वाच्या निर्णयांमध्ये राष्ट्राध्यक्ष पेजेशकियान यांची भूमिका मर्यादित केली आहे. या बदलांमुळे इस्लामिक रिव्होल्युशनरी गार्ड कॉर्प्सचा प्रभाव अधिक वाढल्याचे मानले जात आहे. अहवालानुसार, राष्ट्रीय सुरक्षा, अणु कार्यक्रम आणि अमेरिकेसोबतच्या संभाव्य चर्चांसारख्या संवेदनशील विषयांवर आता आयआरजीसी चे वरिष्ठ कमांडर अहमद वाहिदी यांचे मत निर्णायक ठरत आहे. तसेच अमेरिका आणि इराण यांच्यात प्रस्तावित असलेल्या नव्या चर्चेची तारीख आणि ठिकाण अद्याप निश्चित झालेले नाही. पाकिस्तान आणि कतार या देशांची संभाव्य यजमान राष्ट्र म्हणून चर्चा सुरू असून, दोन्ही देश मध्यस्थीची भूमिका बजावण्याचा प्रयत्न करत आहेत. या चर्चेकडे मध्यपूर्वेतील तणाव कमी करण्याच्या दृष्टीने महत्त्वपूर्ण पाऊल म्हणून पाहिले जात आहे.