२५० टन क्रेनने गर्डर लाँचिंगचे काम; दोन लोकल फेऱ्या रद्द

मुंबई : मुलुंड रेल्वे स्थानकावर नवीन ६ मीटर रुंदीच्या पादचारी पुलासाठी गर्डर लाँचिंगचे काम करण्यात येणार असून, त्यासाठी मध्य रेल्वेकडून विशेष ट्रॅफिक आणि पॉवर ब्लॉक घेण्यात येणार आहे. हा ब्लॉक २५/२६ जुलै २०२६ (शनिवार-रविवार) च्या मध्यरात्री घेण्यात येणार आहे (Central Railway block). मुलुंड स्थानक परिसरात किमी ३०/१२२ ते ३०/१०८ दरम्यान प्लॅटफॉर्म क्रमांक १ आणि २/३ दरम्यानच्या स्पॅन-१ तसेच प्लॅटफॉर्म क्रमांक २/३ आणि ४ दरम्यानच्या स्पॅन-२ वर गर्डर बसविण्याचे काम केले जाणार आहे. यासाठी २५० मेट्रिक टन क्षमतेच्या क्रेनचा वापर करण्यात येणार आहे.हा ब्लॉक मुलुंड ते ठाणे दरम्यानच्या अप आणि डाउन धीम्या व जलद मार्गांवर घेण्यात येणार आहे. प्रवाशांची सुरक्षितता आणि रेल्वे पायाभूत सुविधांच्या देखभालीसाठी हा विशेष ब्लॉक आवश्यक असल्याचे मध्य रेल्वेने स्पष्ट केले आहे. या काळात प्रवाशांनी प्रवासाचे नियोजन करताना वेळापत्रक तपासावे, असे आवाहन रेल्वे प्रशासनाने केले आहे.(Mulund Station)

https://prahaar.in/2026/07/24/corrupt-irctc-official-arrested-in-mumbai-cbi-takes-action/

ब्लॉकची वेळ :

अप आणि डाउन धीम्या मार्गावर : रात्री १.१० ते पहाटे ३.४० वाजेपर्यंत

अप आणि डाउन जलद मार्गावर : रात्री १.१० ते पहाटे २.१० वाजेपर्यंत

https://prahaar.in/2026/07/24/donald-trumps-tariff-bomb-on-17-countries/

दोन लोकल फेऱ्या रद्द

२५ जुलै २०२६ रोजी रात्री १२.२४ वाजता छत्रपती शिवाजी महाराज टर्मिनसहून सुटणारी सीएसएमटी–ठाणे लोकल

२६ जुलै २०२६ रोजी पहाटे ४.०४ वाजता ठाण्याहून सुटणारी ठाणे– सीएसएमटी लोकल