पावसाळ्यात डासांचा त्रास वाढतो. त्यामुळे डेंग्यू, मलेरिया आणि चिकनगुनियासारख्या आजारांचा धोका टाळण्यासाठी घरात डासांची पैदास होऊ न देणे अत्यंत महत्त्वाचे आहे.

https://prahaar.in/2026/07/21/a-sight-more-beautiful-than-heaven-you-will-be-left-awestruck-by-the-majestic-roaring-form-of-this-waterfall-during-the-monsoon/

घरातील पाण्याच्या टाक्या, कुलर, बादल्या, कुंड्यांतील ट्रे आणि पाळीव प्राण्यांच्या पाण्याची भांडी आठवड्यातून एकदा रिकामी करून स्वच्छ धुवा.

घरात किंवा परिसरात कुठेही पावसाचे पाणी साचू देऊ नका. छतावरील टाकी झाकून ठेवा आणि जुने टायर, बाटल्या किंवा करवंट्यांमध्ये पाणी साचणार नाही याची काळजी घ्या.

खिडक्या आणि दरवाज्यांना जाळ्या बसवा. झोपताना मच्छरदाणीचा वापर करा आणि लहान मुले, वृद्ध व गरोदर महिलांसाठी डासप्रतिबंधक क्रीम वापरणे फायदेशीर ठरू शकते.

सकाळी आणि संध्याकाळी डास अधिक सक्रिय असतात. या वेळेत पूर्ण बाह्यांचे कपडे परिधान केल्यास डास चावण्याचा धोका कमी होतो.

घराभोवतीची स्वच्छता राखा. झाडाझुडपांची नियमित छाटणी करा आणि कचऱ्याची योग्य विल्हेवाट लावून डासांची पैदास रोखा.

सतत ताप, अंगदुखी किंवा तीव्र डोकेदुखी जाणवत असल्यास स्वतः औषधे घेऊ नका. त्वरित डॉक्टरांचा सल्ला घेऊन योग्य उपचार सुरू करा.