नवी दिल्ली : संसदेच्या पावसाळी अधिवेशनाच्या पहिल्या दिवशी, सोमवारी राज्यसभेच्या ९ नवनिर्वाचित सदस्यांनी सभागृहाच्या सदस्यत्वाची शपथ घेतली.यापैकी पाच सदस्यांनी हिंदीत, दोन सदस्यांनी इंग्रजीत तर दोन सदस्यांनी बंगालीत शपथ घेतली. (Rajya Sabha Members)

https://prahaar.in/2026/07/20/cjp-protest-violence-violence-during-cjp-march-to-parliament-protesters-pelt-stones-near-parliament-street-several-police-personnel-including-a-delhi-police-sub-inspector-injured/

राज्यसभेचे सभापती सी. पी. राधाकृष्णन यांनी या नवनिर्वाचित सदस्यांना शपथ दिली. शपथ घेणाऱ्या सदस्यांमध्ये गुजरातमधील भाजपचे मुकेशभाई जे. राठवा, कर्नाटकमधील काँग्रेसचे पवन खेडा, मध्य प्रदेशातील भाजपचे महेश केवट, मेघालयमधील नॅशनल पीपल्स पार्टीचे जेम्स पांगसांग कोंगकल संगमा, मिझोरममधील खिआंगते लालटलुआंगकिमा, राजस्थानमधील भाजपचे डॉ. सतीश पूनिया तसेच पश्चिम बंगालमधील भाजपचे प्रकाश चिक बराईक, सुश्मिता देव आणि सुखेंदू शेखर रे यांचा समावेश आहे. (Rajya Sabha Members)

https://prahaar.in/2026/07/20/supreme-court-on-ram-mandir-site-should-be-reconstituted-to-investigate-the-ram-mandir-donation-theft-case-supreme-court/

संसदेच्या दोन्ही सभागृहांचे कामकाज मंगळवारपर्यंत स्थगित :

मान्सून अधिवेशनाच्या पहिल्या दिवशी सोमवारी लोकसभा आणि राज्यसभेतील कामकाज विरोधकांच्या जोरदार घोषणाबाजी आणि गोंधळामुळे अनेक वेळा तहकूब करण्यात आले. अखेर राज्यसभेचे कामकाज दुपारी अडीच वाजेपर्यंत आणि लोकसभेचे कामकाज दुपारी तीन वाजेपर्यंत तहकूब करण्यात आले. त्यानंतर दोन्ही सभागृहांचे कामकाज मंगळवार २१ जुलैपर्यंत स्थगित करण्यात आले. (Rajya Sabha Members)