फुटबॉलच्या विश्वात नशिबाचा एक अत्यंत सुखद आणि चकित करणारा योगायोग समोर आला आहे. १९ वर्षांपूर्वी, २००७ मध्ये युनिसेफच्या एका चॅरिटी फोटोशूटसाठी लिओनेल मेस्सीने एका लहान बाळाला बाथटबमध्ये अंघोळ घालत असताना फोटो काढले होते. त्यावेळी कोणालाही कल्पना नव्हती की, मेस्सीच्या मांडीवर खेळणारे ते बाळ म्हणजे भविष्यातील फुटबॉलचा नवा सुपरस्टार ‘लॅमिन यामाल’ असेल.

https://prahaar.in/2026/07/16/nashik-crime-news-the-inside-story-of-the-gang-that-robbed-%e2%82%b970-lakhs/

कशी सुरू झाली ही अनोखी गोष्ट?

२००७ मध्ये, जेव्हा मेस्सी अवघ्या २० वर्षांचा होता, तेव्हा त्याने ‘डायरिओ स्पोर्ट’ वृत्तपत्रासाठी बार्सिलोना येथील एका स्थानिक कुटुंबासोबतच्या मुलासोबत फोटोशूट केले होते. या मुलाचे नाव लॅमिन यामाल होते. त्यावेळी एका साध्या चॅरिटी उपक्रमाचा भाग असलेले हे फोटो २०२४ मध्ये यामालच्या वडिलांनी सोशल मीडियावर शेअर केले आणि ते जगभर व्हायरल झाले.

https://prahaar.in/2026/07/16/good-news-for-punekar-pune-metro-update-hinjawadi-shivajinagar-metro-likely-to-start-by-early-august-it-employees-to-benefit/

एक स्वप्नवत आमना-सामना

आज तेच बाळ म्हणजेच लॅमिन यामाल, स्पेनच्या राष्ट्रीय संघाचा आधारस्तंभ बनला आहे. आपल्या किशोरावस्थेतच त्याने उत्कृष्ट ड्रिब्लिंग आणि परिपक्व खेळाच्या जोरावर जागतिक फुटबॉलमध्ये आपली ओळख निर्माण केली आहे. नियतीचा खेळ असा की, आता फिफा विश्वचषकाच्या अंतिम सामन्यात अर्जेंटिना आणि स्पेन हे संघ आमनेसामने उभे ठाकणार आहेत.

https://prahaar.in/2026/07/16/ind-vs-eng-major-changes-to-the-playing-xi-for-the-second-match-will-this-player-open-the-innings-alongside-rohit-here-is-indias-likely-playing-xi-for-the-second-match/

मेस्सीचा वयावर विजय

दुसरीकडे, ३९ व्या वर्षीही लिओनेल मेस्सीने आपल्या अफाट अनुभवाने आणि प्रतिभेने सर्वांना थक्क केले आहे. इंग्लंडविरुद्धच्या उपांत्य फेरीत त्याने दिलेले दोन अप्रतिम असिस्ट हे सिद्ध करतात की तो आजही सर्वोत्तम फॉर्ममध्ये आहे.

एका फोटोशूटपासून सुरू झालेला हा प्रवास आता थेट विश्वचषकाच्या अंतिम सामन्यात येऊन थांबला आहे. फुटबॉल चाहत्यांसाठी हा सामना केवळ दोन देशांमधील स्पर्धा नसून, दोन पिढ्यांमधील एक भावनिक आणि ऐतिहासिक क्षण असणार आहे.