Wimbledon 2026 : विम्बल्डन २०२६ (Wimbledon 2026) पुरुष एकेरी (Men’s Singles) स्पर्धेच्या अंतिम सामन्यात इटलीच्या जानिक सिनर (Jannik Sinner) याने दमदार खेळ करत जर्मनीच्या अलेक्झांडर झ्वेरेव्ह (Alexander Zverev) याचा ६-७, ७-६, ६-३, ६-४ असा पराभव केला. या विजयासह सिनरने सलग दुसऱ्यांदा विम्बल्डन विजेतेपद (Wimbledon Title) आपल्या नावावर कायम राखलं.

अंतिम सामना (Final) अतिशय चुरशीचा झाला. पहिल्या सेटमध्ये दोन्ही खेळाडूंमध्ये जबरदस्त संघर्ष पाहायला मिळाला. अखेर टाय-ब्रेक (Tie-break) मध्ये ९-७ अशी बाजी मारत झ्वेरेव्हने पहिला सेट जिंकला. मात्र त्यानंतर सिनरने शानदार पुनरागमन (Comeback) केलं. दुसरा सेटही टाय-ब्रेकमध्ये गेला, पण यावेळी सिनरने ७-२ अशी सरशी करत सामन्यात बरोबरी साधली.

https://prahaar.in/2026/07/12/icc-hall-of-fame-sourav-ganguly-and-anjum-chopra-inducted-into-the-icc-hall-of-fame/

तिसऱ्या सेटमध्ये सामना निर्णायक वळणावर (Turning Point) पोहोचला. याचदरम्यान झ्वेरेव्हच्या गुडघ्याला दुखापतीची (Knee Injury Scare) भीती निर्माण झाली. त्याचा परिणाम त्याच्या खेळावर दिसून आला आणि सिनरने त्याची सर्व्हिस (Service) ब्रेक करत ६-३ असा सेट आपल्या नावावर केला.

चौथ्या सेटमध्येही सिनरने संधीचं सोनं केलं. आणखी एकदा झ्वेरेव्हची सर्व्हिस ब्रेक करत त्याने ६-४ असा सेट जिंकला आणि सलग दुसरं विम्बल्डन पुरुष एकेरी विजेतेपद (Wimbledon Men’s Singles Title) पटकावत इतिहासात आणखी एक सुवर्ण अध्याय जोडला.